super.kg logo

Өмүрбек Текебаев: "Тынчтык - чоң байлык! Жерибизде дайыма тынчтык жана аманчылык болсун!"

 

Бүгүн, 22-июнь - 1941-жылы Улуу Ата Мекендик согуш башталган күн. Жогорку Кеңештеги "Ата Мекен" фракциясынын лидери Өмүрбек Текебаев баш болгон депутаттар, партиянын жаштар канатынын жана коомчулуктун өкүлдөрү, борбордо Улуу Ата Мекендик согушка кетип кайтпай калгандарды дагы бир жолу эскеришти. Иш-чаранын жүрүшүндө баатырлар үчүн орнотулган эстеликке гүлчамбарлар коюлуп, шейит кеткендер эскерилип, куран окулду. 

Эскерүү иш-чарасында сөз алган Өмүрбек Текебаев мындай деди: "Улуу Жеңиштин 70 жылдык мааракесин бүтүндөй прогрессивдүү адамзаты белгиледи. "Ата Мекен" партиясы - советтик доордун жакшылыктарын унутпаган социалисттик партия. Ошондуктан биз 9-Май - Жеңиш күнүн белгилөөгө активдүү катыштык. Биздин жаштар канатыбыз Москвага барып, согуштун ардагерлери, жаштар менен жолугуп келишти. Ошол күнү Бишкек шаарынын түштүгүндөгү "Жеңиш" сейил багында баатырлардын урматына арнап салют аттырдык. Маалымат каражаттарында Улуу Ата Мекендик согуштун жана Жеңиштин мааниси, биздин мекендештердин патриоттук сезими жөнүндө көп пикирлерди айтып, жаш муундарга тарбия-таалим бере турган иш-чараларды жүргүздүк. 

22-июнь - бул согуштун башталган күнү. Кыргыз жеринен 300 миңден ашык адам согуш талаасына барып, 88 миңи, дээрлик ар бир үчүнчүсү согуш талаасында калган. Бүгүнкү күн кыргыз өлкөсүндө өзгөчө белгиленбей келе жаткан. Бирок кээ бир мамлекеттерде эскерүү күнү катары белгиленип жүрөт, анткени дүйнөдөгү эң чоң катастрофа Экинчи дүйнөлүк согуш болгон. СССРде эле оорукту кошуп эсептегенде 20-50 миллиондой адам өлдү деп эсептелет. Ошол чоң окуяда биздин жердештерибиз курман болгон, ошолорду бүгүн биз эскерип, алардын эрдигине дагы бир жолу баа бергенге мүмкүнчүлүк бар. Ошон үчүн жыйналып отурабыз. Тынчтык - бул чоң байлык! Жергебизде дайыма тынчтык жана аманчылык болсун!"

Иш-чаранын соңунда фракция өкүлдөрү эстелик үчүн сүрөткө түшүштү. 


кошулду


 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(2)
23.06.2015. 19:35 
Тайпасы:
Жаран
Комментарийлердин саны:
1213
Катталган:
05-04-2015
Соӊку аракети:
22-09-2018 14:38
Жынысы:
Белгисиз
Калаасы:
Алматы
0
Мен озум коп жылдан бери карай Алматыда мигрант болуп иштегендиктен, казактардын " Оли риза болмайын тири байымайды" деген макалын жатка билем. Демек, "АТА-МЕКЕН" партиясынын бул иш жоролголорун туура деп санайм.
26.06.2015. 14:18 
Тайпасы:
Кыймылы жок
Комментарийлердин саны:
191
Катталган:
20-09-2014
Соӊку аракети:
22-04-2016 11:38
Жынысы:
Белгисиз
Калаасы:
Кереметтүү Көк-Арт өрөөнү.
0
Медина 87 туура айтасың, мен дагы сенин пикириңе кошулам!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114526;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: