Бишкекте 8-март - Эл аралык аялдар күнүнө карата бавариялык «Zapf & Zapf’nstreich» квартети концерт берет. Маалыматка ылайык, концерт 8-март күнү Улуттук консерваторияда өтөт жана кирүү акысыз. Белгилей кетсек, бул квартет 1994-жылы түзүлгөн, курамында Руди Цапф – топ жетекчиси, Хуго Зигмет, Андреас Зайфингер жана Харри Шарф аттуу солисттер бар. Таланттуу музыканттар эски чыгармаларга жаңыча жашоо берип, аларга африкалык, испандык, мексикалык, кубалык, еврейлик ритмдерди кошуп бийик деңгээлде аткарышат.