super.kg logo

Турдакун Усубалиевди акыркы сапарга узатуу зыйнаты 9-сентябрда Тарых музейинде өтөт

 
Белгилүү мамлекеттик ишмер Турдакун Усубалиевди акыркы сапарга узатуу зыйнаты 9-сентябрда Тарых музейинде өтөт. Бул тууралуу SUPER.KG'ге өкмөттүк аппараттан билдиришти. "Бирок расмий буйрукка кол коюла элек",- дешти аппараттан.
Турдакун Усубалиев 6-сентябрдан 7-сентябрга караган түнү узакка созулган оорудан улам 96 жашында көз жумду. 
Мамлекеттик ишмер, Кыргыз Эл Баатыры Турдакун Усубалиев 1919-жылы Нарын облусунун Кочкор районундагы Теңдик айылында туулган. 1941-жылы Кыргыз мамлекеттик мугалимдер институтун, 1945-жылы КПСС БКга караштуу Жогорку партиялык мектепти, 1965-жылы В.И.Ленин атындагы Москва мамлекеттик педагогикалык институтун бүтүргөн. Көп жыл мамлекеттик түрдүү кызматтарда иштеген.
1958-1961-жылдары Кыргызстан КПнын Фрунзе шаардык комитетинин 1-катчысы, 1961-1985-жылдары Кыргызстан КП БКнын 1-катчысы, 1962-1984-жылдары СССР Жогорку Советинин 5 жолку, 1959-1985-жылдары Кыргыз ССР Жогорку Советинин 6 жолку, 1990-жылдан Кыргыз Республикасынын Жогорку Кеңешинин депутаты болгон. 
1-даражадагы Манас, Ленин, Эмгек Кызыл Туу, Октябрь Революциясы ордендери жана башка көптөгөн медалдар менен сыйланган. 
Былтыр анын 95 жылдык мааракеси мамлекеттик деңгээлде белгиленген. 



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(3)
07.09.2015. 15:18 
Тайпасы:
Жаран
Комментарийлердин саны:
32
Катталган:
09-03-2015
Соӊку аракети:
29-08-2018 14:47
Жынысы:
Белгисиз
Калаасы:
Ак монгулуу Ала Тоонун бермети Ысык Кол
+2
Кандай залкар адам эле. Жаткан жери жайлуу болсун. Разаков менен Усубалиевге жетиш кайда. Мындай адамдар чанда гана жаралат.
07.09.2015. 17:42 
Тайпасы:
Кыймылы жок
Комментарийлердин саны:
4
Катталган:
01-08-2014
Соӊку аракети:
28-10-2016 21:15
Жынысы:
Белгисиз
Калаасы:
Нарын
0
Эл үчүн кылган ишине АЛЛАХ ыраазы болсун!ЖАРАТКАН өзү жолдош болсун!
08.09.2015. 08:58 
Тайпасы:
Жаран
Комментарийлердин саны:
88
Катталган:
15-12-2014
Соӊку аракети:
25-09-2018 17:36
Жынысы:
Белгисиз
0
Жаткан жери жайлуу акырети бейиштен болсун.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114638;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: