Бүгүн, 29-октябрда Жогорку Кеңеште КСДП фракциясынын лидери Чыныбай Турсунбеков "Өнүгүү-Прогресс" фракциясынын лидери Бакыт Төрөбаев менен сүйлөшүү жүргүздү. "Өнүгүү-Прогресс" фракциясынын басма сөз катчылыгынан билдиришкендей, фракция лидерлери Жогорку Кеңештин, өкмөттүн түзүмү, курамы боюнча сүйлөшүүдө бир пикирге келишти.
Эскерте кетсек, президент Алмазбек Атамбаев бүгүн, 29-октябрда Жогорку Кеңеште коалициялык көпчүлүктү түзүү мандатын КСДП фракциясынын жетекчиси Чыныбай Турсунбековго тапшырган.