Африканын Түштүк Судан мамлекетинде Ан сериясындагы орусиялык учак кулады. Бул тууралуу бүгүн, 4-ноябрда чет өлкөлүк басылмалар жазып чыгышты.
Маалыматтарга ылайык, жүк ташуучу учак Түштүк Судандын Жуба аэропортунан чыгып, бирок авариялык абалга байланыштуу кайра кайтып келе жатып кулаган. "Кырсыктан каза тапкан 40ка жакын адамдын арасында жерде жүргөндөр да бар экени айтылууда. Ал эми учактын ичинде 5 экипаж мүчөсү жана 15 жүргүнчү болгон. Учактагы 20 адамдын 17си каза болду. Ал эми тирүү калгандардын бири - жаш бала",- деп жазышат басылмалар.
Айта кетсек, буга чейин 31-октябрда 224 жүргүнчүсү менен Египеттин Шарм-эш-Шейх шаарынан Санкт-Петербургга сапар тарткан орусиялык учак Египеттеги Синай жарым аралына кулаган.