Ырчы Кайрат Примбердиевдин уюлдук телефонуна хакердик чабуул болуп, андагы интимдик видеолорду элге жарыялоону айтып коркутуу менен ырчыдан акча талап кылып жатышат. Бул тууралуу ырчы интернеттеги өздүк баракчасына жазып чыкты.
"Менин интимдик мүнөздөгү видеом уурдалыптыр. Ал жогорку сапатта монтаждалып, менден акча алуу үчүн шантаждап жатышат",- деген ырчы акча төлөбөй турганын, алар менен мыйзам чегинде сүйлөшүү жүргүзүү үчүн адвокаттын кызматын пайдаланарын билдирди.
"Урматтуу достор жана күйөрмандарым! Жубайым экөөбүз үчүн татаал кырдаалда бизди колдоп бересиздер деген үмүттөмүн",- дейт ырчы.