Өлкөдө 6 миллионунчу баланы 500 айымдын бири жарыкка алып келет. Бул тууралуу бүгүн, 24-ноябрда тегерек столдун жүрүшүндө Саламаттыкты сактоо министрлигинин статс-катчысы Паиза Сүйүмбаева билдирди. Анын айтымында, атайын түзүлгөн комиссия өлкөдө төрөтүнүн убактысы келип калган айымдардын тизмесин түзгөн.
«Биз 20-ноябрдан 30-ноябрга чейин 1700 аял төрөй турганын аныктап чыктык. Анын натыйжасында республикада бир саатта 10дон 18ге чейин наристе жарык дүйнөгө келерин билебиз. Жыйынтыгында атайын комиссия 20сынан 26-ноябрга чейин төрөй турган энелердин тизмесин түздү, ага 500 айым кирди. Алар кайсы облуста көп же аз экенин айта албайбыз.
Ал эми 26-ноябрь күнү Улуттук статистика комитети саат сайын ымыркайлардын төрөлүшү боюнча маалымат алып, 6 миллионунчу жаранды атайт»,- деди адис.