super.kg logo
  Саясат  

Тармактык комитет Токтогул ГЭСин реабилитациялоонун 2-фазасын каржылоого багытталган макулдашуу долбоорун жактырды

 

1-декабрда Жогорку Кеңештеги Отун-энергетика комплекс жана жер казынасын пайдалануу боюнча комитетинин жыйынында Токтогул ГЭСин реабилитациялоонун 2-фазасын каржылоого багытталган макулдашуу долбоору жактырылды.

Аталган долбоор Бишкек шаарында 2015-жылдын 31-июлунда кол коюлган “Токтогул ГЭСин реабилитациялоо. 2-фаза” долбоорун каржылоо үчүн Евразия турукташтыруу жана өнүктүрүү фондунун каражаттарынын эсебинен инвестициялык насыя берүү жөнүндө Кыргыз Республикасы менен Евразия өнүктүрүү банкынын ортосунда кол коюлган.

Токтогул ГЭСи 1975-жылы ишке киргизилсе, андан бери толук реабилитациялоодон өтө элек. Токтогул ГЭСинин агрегаттарынын техникалык абалын текшерүү жана эксперттик баалоо иштерин өткөрүү 3 фазадан турары аныкталган. Учурда 1-фазанын алкагында агрегаттар менен ортомолорду алмаштыруу, гидравликалык курулмаларды суу алдында издөө иштери жүрүүдө. Токтогул ГЭСин реабилитациялоонун 2-фазасы долбоорун каржылоонун жалпы суммасы 250 миллион доллар. Насыянын мөөнөтү – 20 жыл.

Жыйындын жүрүшүндө комитет мүчөлөрү Кыргыз Республикасынын 2014-жыл үчүн республикалык бюджетинин аткарылышы боюнча өкмөттүн отчётун угуп, аны эске алуу чечимине келишти.

Мындан тышкары "Электр энергетикасы жөнүндөгү” мыйзамга сунушталып жаткан өзгөртүү-толуктоолорду 3-окууда жактырды.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(1)
02.12.2015. 10:02 
Тайпасы:
Жаран
Комментарийлердин саны:
40
Катталган:
19-09-2010
Соӊку аракети:
24-09-2018 16:52
Жынысы:
Белгисиз
Калаасы:
Россия, Томск
0
"Ортомолор"- деген соз орусчага кандай которулат?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114638;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: