super.kg logo

Бишкектеги Балдарды социалдык жактан адаптациялоочу борбордун балдарына жаңы жылдык майрам тартууланды

 

Журналисттер Кайыргүл Урумканова жана Канышай Мамыркулова тарабынан негизделген “Биздин салым” коомдук фонду Бишкектеги Балдарды социалдык жактан адаптациялоочу борбордун балдарына жаңы жылдык кече тартуулады. “Мага Жаңы жыл тартуула” деп аталган долбоорго мамлекеттик кызматкерлер, бардык тармактын өкүлдөрү тартылып, эч кимди кайдыгер калтырган жок.

Тагдырдын оор сыноосуна кабылган балдарга жаңы жылдык майрам өткөрүүдө белгилүү алып баруучу Бакыт Байсариев Аяз атанын, Тышкы иштер министрлигинин статс-катчысы Данияр Сыдыков
Санта-Клаустун, “АВЕРС” юридикалык компаниясынын жетекчиси Таалайгүл Токтакунова Аяз кыздын, ишкер Данияр Макамбаев аюунун, "Кыргыз почтасы" борборунун жетекчиси Марат Черикчиев смешариктин, Каржы министрлигинин бөлүм башчысы Бекболот Алиев жолборстун ролун аткарышты. Балдарды майрамы менен куттуктоо үчүн Кыргыз Республикасынын Юстиция министри Жылдыз Мамбеталиева да келди. Албетте, мындай жаңы жылдык балаты белексиз өтпөйт эмеспи.

Борбордогу 75 балага окуу куралдары, таттуу азыктар жана башка майрамдык белектер тартууланды.

Борбордун жамааты уюштуруучуларга ыраазычылык билдирип, балдар Аяз атага ыр ырдап, белектерди алышты. Демөөрчүлөр дагы четте калбай, Бакыт Өмүракунов балдар менен кошо ырдады.
Майрам өткөн күнү борбордун 11 тарбиялануучусу ооруканада болгондуктан, ар түрдүү каармандардын костюмун кийген уюштуруучулар аларды дагы куттуктап келишти. “Мындай кайрымдуулук иштерин мындан ары дагы улантып, Кыргыз Республикасынын аймагындагы балдар үйлөрүнө барууга аракет кылабыз”,- дейт “Биздин салым” фондунун өкүлдөрү.


кошулду


 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
118014;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: