Борбордогу жаңы конуштардын биринде 27 жаштагы жаран унаанын ичинде асынып алды. Бул тууралуу бүгүн, 28-апрелде "Тез жардам" кызматынан билдиришти.
Маалыматка ылайык, кечээ саат 15:53 чамасында аталган кызматка "Ак-Бата жаңы конушунда жигит асынып алды" деген билдирүү түшкөн. Окуя болгон жерге барган "Тез жардамдын" кызматкерлери 1989-жылы туулган жигит белгисиз себептерден улам унаанын ичинде асынып алганын аныкташкан. Жабырлануучу кома абалында ооруканага жеткирилген, учурда ал оор абалда жандандыруу бөлүмүндө жатат. Алдын ала маалыматтарга ылайык, унаада асынып калган жигитти туугандары көрүп калып, "Тез жардам" кызматын чакырышкан.