Бишкекте 6 жаштагы баланын өлүмүнө себепкер болгон айдоочу кыз 1 айга тергөө абагына камалды. Бул тууралуу бүгүн, 22-августта Бишкек шаардык ички иштер башкармалыгынан билдиришти.
Окуя үстүбүздөгү жылдын 18-август күнү Токтогул көчөсү менен Манас кең көчөсүнүн кесилишинде болгон. Анда 23 жаштагы айдоочу кыз жолдон өтүп бараткан 6 жаштагы баланы жана анын апасын сүзүп кеткен. Анын кесепетинен 6 жаштагы бала каза тапкан. Бул факт боюнча кылмыш иши козголуп, тиешелүү экспертизалар дайындалган.
Ал эми Бишкек шаарынын Свердлов райондук соту 23 жаштагы кызды №1-СИЗОго бир айга камоо чечимин чыгарды.