"Элдик кабар" рубрикасынын жардамы менен Екатеринбургда селсаяк болуп кеткен кыргыздар мекенине жиберилди

"Элдик кабар" рубрикасынын жардамы менен Екатеринбургда селсаяк болуп кеткен кыргыздар мекенине жиберилди. Бул тууралуу бүгүн, 7-сентябрда SUPER.KG порталына Екатеринбургдагы мекендешибиз Ильгизбек Нарматов билдирди.

Эскерте кетсек, 3-сентябрда окурманыбыз "Элдик кабар" рубрикасына WhatsApp аркылуу селсаяк болуп кеткен эки кыргыз жараны тууралуу кабар жөнөтүп, элчиликтен тиешелүү деңгээлде жардам болбой жатканын кабарлаган.

"Кабар чыккан күнү эле консулдуктун кызматкерлери Екатеринбургдагы демилгечилер - биз менен жолугушту. Кызматкерлер баарын түшүндүрүп беришти. Алгач консулдукка барардан мурун аймактык полиция кызматкеринен жарандын паспорту жоголгону тууралуу билдирмени алышыбыз керек экен. Андан соң консулдукка 2400 рубль салык төлөмөк экенбиз, бул расмий документтерде көрсөтүлүптүр. "Дүйшөмбү күнү керектүү документтерди даярдап беребиз" деп, селсаяк болуп кеткен бир туугандарды мекенибизге жиберерин айтышкан. Мен ачуулукка алдырып, силерге эрте маалымат берип алыптырмын", - дейт Нарматов.

"Мекендештерибиздин бири Жалал-Абад облусунан, бири Баткен облусунун Кызыл-Кыя шаарынан. Кызыл-кыялык мекендешибиздин документтерин консулдуктун кызматкерлери бүтүрүп беришти, мекенибизге узаттык. Ал эми жалал-абаддык мекендешибиздин паспорту табылып, аны да Кыргыз өлкөсүнө салып жибердик. Эми дагы 15тей кыргыз бар экен, ушул эки жердештерибиздей эле. Арасында эже-карындаштарыбыз бар, аларга да жардам берели деген ойдобуз. Консулдукта иштегендер документтерин бүтүрүп беришсе, каражатын ушул жактагы эле кыргыздар чогултуп, салып жиберебиз", - деп билдирди Ильгизбек Нарматов.

11:35 07-09-2016

Екатеринбургдагы мекендештерибиз Кыргыз өлкөсүнө кайтышты

Автор: Үмүт Абдраимова
Фото: Окурмандыкы

Жазылуу

РУБРИКАДАГЫ СОҢКУ КАБАРЛАР

15:50 2024-04-19 | Коом жана турмуш

"Балдар үчүн негативдүү контенттерге нааразычылыктар түшкөн". Кыргызстандын аймагында TikTok платформасы расмий түрдө бөгөттөлдү 47 0

15:42 2024-04-19 | Супер-Инфо

Алымкадыр Бейшеналиев, саламаттыкты сактоо министри: “Мен хирургиянын фанатымын” 42 0

15:40 2024-04-19 | Коом жана турмуш

Боорсок ооз тийип... Бишкекке кезектеги туристтик поезд менен саякатчылар келишти (сүрөт) 97 0

15:34 2024-04-19 | Спорт

Курманкул Зулушев Көк бөрү ассоциациясынын президенти болуп шайланды 130 0

15:15 2024-04-19 | Спорт

Үч кыргыз балбаны Олимпиадалык жолдомо үчүн күч сынашат (тизме) 341 0

15:14 2024-04-19 | Коом жана турмуш

Балбак Түлөбаевдин апасы бул дүйнө менен кош айтышты 286 0

Архив

Комментарийлер (7)

Revolyutsiya

2016-09-07 11:45:31

Силердей Мекенине, боордошторуна чын дилден куйгон, жардам колун узаткан патриотторду остуруп-тарбиялаган ата-эненерге чоон рахмат!!! Ата-эненер силердей эл керегине жараган уул-кыздары менен сыймыктанса жарашат...

+14

mambo-1984

2016-09-07 11:46:48

АЗАМАТСЫНАР ЖЕРДЕШТЕР!

Bema50000

2016-09-07 12:00:07

Эми Булар Кыргызстанга келгенде иштешсе экен, кайра Россиядагы жумушун улантып албай.

+17

urmat-87

2016-09-07 11:50:59

аллах ыраазы болсун!!! силерден менин мекендештерим! жумушунар дайыма алга жылып жамандыктан кудайым өзү сактасын

nura.177

2016-09-07 12:56:34

Рахмат силерге ,ал эми элчиликтин ишин силер шашпасанар да биз талаада жургондор жакшы билебиз алардын кандай иштегенин. Эмнеси болсода жакшы иш кылыпсынар

kuba502

2016-09-07 13:04:58

Патриот деп ушуларды айтса болот.Азаматсыңар .Кыргыз эч качан боордошторун көчөгө таштап койгон эмес

Palan4a

2016-09-07 13:18:59

Бир гана ушул акыбалдагы(селсаяк) эмес, Кыргызстандан келип жумушка орношо албай, же кетерге чамасы жокторду да бекер алып кетишти, акча албай! Ошол бус айдаган айдоочуларга дагы рахмат! Аллах иштерин онунан кылсын?! Кырсыктардан сактасын?!

Комментарий калтыруу үчүн өз ысымыңыз менен кириңиз же каттоодон өтүңүз.