реклама
super.kg logo

Блоггер: "Кыргыз жеринин жолдору начар, адамдары жакшы"

 
Рафаэль Флета Сориано
Велосипедине суу, азыктар жана керектүү буюм, кийимдерин артып алган.

Кыргыз өлкөсү акыркы жылдары көптөгөн чет элдиктердин көзүн күйгүзгөн жайлардын тизмесинен орун алууда. Көк тиреген аска-зоолору, тунук көлдөрү, таза булактары, шаркыраган суусу буга чейин да көп чет элдик туристтерди суктандырганы белгилүү. Чет элдик басылмалар өлкөбүздүн жаратылышы, кооздугу, меймандос эли тууралуу көптөгөн макалаларды жарыялап, саякатчы блоггерлер да четте калбай Кыргыз жери жөнүндө байма-бай жазып, дүйнөнүн булуң-бурчуна таанытышууда. Мына ушундай блоггерлердин катарын Испания өлкөсүнөн келген Рафаэль Флета Сориано толуктайт. Ал Кыргыз Республикасы тууралуу интернеттен көрүп келгенин SUPER.KG порталына билдирди.

Рафаэль Флетаны өлкөбүздүн экинчи борбору аталган Ош шаарына бара жатып Чүй облусунун аймагынан чыга электе жолуктурганбыз. Ал жол жээгине суусу, азыктары жана керектүү буюм, кийимдери артылган велосипедин токтотуп, суу жээгинде эс алып отурган. Анын чет элден келген конок экенин байкаган соң таанышып, узак жолдо велосипед менен кайда бара жатканын сурадык.

"Испаниядан Бишкекке учак менен келгем, борбор шаардан тартып шайтан араба менен жүрүп келе жатам. Тоого байланыштуу болгон спорттун түрлөрүн жакшы көрөм. Мага бийик тоолорду аралаган жагат, андан ырахат алам. Кыргыз жеринин жаратылышынын кооздугуна абдан суктанып жатам. Адамдары кичи пейил, жакшы экен. Суулары таза, ичкиңди келтирет. Жолдун эки четин тоолор курчап, кооз, бирок коркунучтуу. Велосипед менен бийиктикке чыгуу бир аз оор болууда. Түнкүсүн чатырымда уктайм. Кыргыз өлкөсүнөн бөлөк 14 өлкөгө саякаттадым, бул жак менин оюмдагыдай экен. Мен Соң-Көлгө карай сапардамын, андан кийин Ысык-Көлгө барам", - деди турист.

Турист социалдык тармактагы баракчасына бизге берген маеги алгачкы маеги экенин жазып, блогуна кыргыз жериндеги саякаты тууралуу кеп кылган.

"Күн абдан ысык, көлөкө жок. Аба ырайы салкын болсо керек деп чолок шым алган эмесмин. Жолдогу асфальттын сапаты начар. Оор жүк ташуучу унаалардын айдоочулары мага ала кетели деп сунушташат, бирок мен бул жолду өзүм басып өтүшүм керек. Бул жердин эли абдан жакшы экен. Көбү унаанын терезесинен колдорун чыгарып, мени колдоп жатышты", - деп жазган блоггер кыргыз эли тууралуу.

Ал эми Төө-Ашуудагы узундугу 2 чакырым, 650 метрди түзгөн тоннелден саякатчы оор жүк ташуучу унаа менен өткөн.

"Тоннелдин алдында велосипед менен өтүүгө тыюу салынган белги жок болгондуктан, кадимкидей эле велосипед менен өтөм дегем. Бирок ал жакта турган адамдар колдору менен белги берип токтотуп, ууланып калышым мүмкүн экенин эскертишти. Бул тоннелдин курулушуна чейин башка жол бар болчу экен. Ал деңиз деңгээлинен 3583 метр бийиктикте жайгашкан. Ал жол менен тоону ашууга 1 күнүм кетмек. Акыры оор жүк ташуучу унааны токтотуп, 200 сом берип аркы бетке өттүм. Айдоочу жана жүргүнчүлөр менен нан жеп, алча ширесин ичтим", - деп жазган Рафаэль Флета.

Туризм департаментинин маалыматы боюнча, 2016-жылдын 2-жарымында мекенибизге 1 миллион 22 миң турист келген. Туристтердин басымдуу бөлүгү II Дүйнөлүк көчмөндөр оюндарына келген. Эгер туризм тармагына өкмөт жана эл өкүлдөрү тарабынан дагы да жакшы көңүл бурулса, Кыргыз мамлекетине дүйнө жүзүнүн эли, инвесторлор агылары талашсыз.



Испаниялык турист: "Мага футбол эмес, Кыргыз өлкөсүнүн тоолору кызык"

Автор: Кызжибек Раимова
Оператор: Мундуз Нурланбек уулу
 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 1 
Комментарийлер(11)
29.09.2016. 13:34 
Тайпасы:
Жаран
Комментарийлердин саны:
4
Катталган:
19-03-2016
Соӊку аракети:
30-11-2017 08:51
Жынысы:
Белгисиз
+1
тоолордогу кен байлыкты изилдеген агенттер да булар...кыргыздар меймандос деп алдап нанын жеп,шире ичип кен байлыктарын казып.... Бир кыргыз ушинтип вел-д мн жол журсо кулмокпуз...бечара деп... агентти тобобузго коюп мактап жатабыз...
29.09.2016. 13:45 
Тайпасы:
Жаран
Комментарийлердин саны:
13
Катталган:
02-04-2016
Соӊку аракети:
10-10-2017 19:54
Жынысы:
Белгисиз
-3
Jaloshtalnarisbatchui,+++
29.09.2016. 15:03 
Тайпасы:
Жаран
Комментарийлердин саны:
18
Катталган:
19-08-2016
Соӊку аракети:
29-05-2018 02:14
Жынысы:
Белгисиз
-1
Jaloshtalnarisbatchui,туура айтасын кыйтырчылык да болуш керек ким билет не максата келгенин абайлаш керек кыргызстан жоголуп баратат
29.09.2016. 16:08 
Тайпасы:
Жаран
Комментарийлердин саны:
386
Катталган:
09-07-2016
Соӊку аракети:
07-05-2017 07:09
Жынысы:
Белгисиз
+1
Manas230595, пессимист экенсин.
29.09.2016. 16:03 
Тайпасы:
Жаран
Комментарийлердин саны:
420
Катталган:
14-08-2016
Соӊку аракети:
25-09-2017 18:31
Жынысы:
Белгисиз
+2
Jaloshtalnarisbatchui,жапайыланбагылачы.туура тушунсунор,туура эле болот.
29.09.2016. 16:43 
Тайпасы:
Жаран
Комментарийлердин саны:
4
Катталган:
19-03-2016
Соӊку аракети:
30-11-2017 08:51
Жынысы:
Белгисиз
-4
Riokyrgyz,Сен укмуш эле глобалдуусун....уйуно мейман келсе кир уйго кир деп айта албайсын... мгуманист болбочу...
30.09.2016. 15:22 
Тайпасы:
Жаран
Комментарийлердин саны:
810
Катталган:
30-06-2015
Соӊку аракети:
25-05-2019 17:54
Жынысы:
Белгисиз
Калаасы:
Ордолуу - Ош
0
Jaloshtalnarisbatchui,изилдесе изилдебесе баары бир озубуз эле сатып берип жатабыз , келгиле эле келгиле деп озубуз чакырып . Анан кыргыздар велик минип саякаттап башына таш тушту дейсинби андан коро джип минип тойго барганыбыз жакшы эмеспи
29.09.2016. 15:09 
Тайпасы:
Жаран
Комментарийлердин саны:
261
Катталган:
06-04-2011
Соӊку аракети:
08-05-2019 11:03
Жынысы:
Белгисиз
Калаасы:
бишкек
0
Бул Сон Колго эмес, Чатыр Колго бараткан го
Super TV
29.09.2016. 16:29 
Тайпасы:
Жаран
Комментарийлердин саны:
228
Катталган:
12-10-2015
Соӊку аракети:
02-11-2017 23:03
Жынысы:
Белгисиз
0
Оооо укмуш!
29.09.2016. 21:24 
Тайпасы:
Жаран
Комментарийлердин саны:
616
Катталган:
04-05-2016
Соӊку аракети:
26-05-2019 12:49
Жынысы:
Белгисиз
+1
Анан эмне жолдорду ондобой эле койгула деген турасынбы
Super TV
30.09.2016. 02:53 
Тайпасы:
Жаран
Комментарийлердин саны:
1
Катталган:
28-10-2013
Соӊку аракети:
02-12-2018 13:51
Жынысы:
Белгисиз
0
Жакшы
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
126856;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: