ЭЛДИК КАБАР: "Таежем мени күнөөлүү кылып, балдарга сабатып, зордуктатты" дейт окурман

Орусиядагы окурман, 20 жаштагы А.А. аттуу Кыргыз жараны таежеси тарабынан кордук көргөнүн SUPER.KG порталына WhatsApp аркылуу билдирди. Анын айтымында, 2016-жылдын октябрь айында апасынын сиңдиси аны иштетүү максатында Екатеринбургга алып барган. Ал жакта таежеси жана анын кызы үчөө чогуу жашашкан.

"Бир күнү жумуштан келсем, бөлөм "100 миң сом акча бар" деп капчык берген. Мен анын ичин карабай, кийимдеримдин арасына катып уктап калгам. 2-3 сааттан кийин бөлөм жумушуна чакырып, ал жакка баргам. Жумушунда отурсам, таежем чалып, анын ордуна иштеп турууну өтүндү. Макул болуп анын жумушунда иштеп жатсам, бөлөм кайра чалып, 100 миң сомдун жоголгонун айтып, күнөөнү мага койду", - дейт окурман.

Андан көп өтпөй таежеси ага келип, чечиндирип текшерип, эки балага сабатканын, башка баланын колуна "акчаны моюнуна алдыр" деп таштап кетип, ал бала тарабынан зордукталганын билдирди окурман.

"Мени эки балага сабатып, башка балага таштап кетти. Ал мени ээн үйгө алып барып, ыйлап суранганыма карабай зордуктап, кайра таежеме жеткирди. Ызама чыдабай уксус ичип алып ооруканага түштүм. Ал жактан да жайыма койбой, бөлөм экөө келип мени коркутушту. "Тажик, өзбек балдар менен болсоң, алар сага көп төлөп беришет. Ошентип бизге болгон карызыңдан кутуласың" деп да сунушташты", - дейт А.А.

Сунушка макул болбогон А.Аны таежеси жана бөлөсү кыйнап, ата-энесин өлтүрүшөрүн айтып коркутуп, акчаны уурдаганын моюнуна алдыртышып, камерага тартып алышканын кошумчалады.

"Таежем сотко арыз жазып, тергөөчүлөр 3 жылдан 10 жылга чейин камалышым мүмкүн экенин айтып жатышат. Атам экөөбүз элчиликке көптөн бери жардам сурап кайрылып жатабыз. Бирок элчиликтегилер тергөөчүгө чалышса, баягы мени кыйнап тартып алган видео далил экенин айтышыптыр", - деп жыйынтыктаган сөзүн окурман.

Учурда ал атасы менен Екатеринбург шаарында батирде жашап жатканын айтып, өзүнүн күнөөлүү эмес экенин далилдеш үчүн кимге кайрыларын билбей жатканын билдирди.

Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.

Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.

15:58 27-01-2017

Автор: Саадат Токтоболот кызы

Жазылуу

РУБРИКАДАГЫ СОҢКУ КАБАРЛАР

19:11 2024-04-18 | Саясат

Садыр Жапаров расмий сапары менен Казакстанга барды. Президентти аэропорттон Токаев өзү тосуп алды (сүрөт) 336 0

18:53 2024-04-18 | Маданият, шоу-бизнес

Алпаруучу Айзада Жамгырчиева турмушка чыгат 1589 0

18:52 2024-04-18 | Маданият, шоу-бизнес

Өлкөнүн мамлекеттик сыйлыктары менен Казакстандын маданият ишмерлери сыйланды (сүрөттөр) 177 0

18:51 2024-04-18 | Коом жана турмуш

ИИМ депутат Айдарованы негизсиз сындоодон алыс болууга чакырды 445 1

18:43 2024-04-18 | Спорт

Азия Кубогу: Кыргыз футзалчылары Японияны сенсциялуу түрдө утуп алды 332 0

18:32 2024-04-18 | Коом жана турмуш

19-апрелге карата аба ырайы 172 0

Архив

Комментарийлер (36)

Bolunbo.kyrgyz

2017-01-27 18:41:44

Адамдар жалган дуйного азгырылбайлы

Babi.

2017-01-27 19:37:45

тообо криминал кылып салганго таэжеси,боору жок немего?!Тообо кылдым..таэжесинде деле кыз бар экен,кызынан корсун.

Arsen.D

2017-01-27 19:50:15

Ххххххх

Arlenchik

2017-01-27 20:07:40

Адам эмес XXX экен, андай ыплас нерсени кылганга кантип дити барды XXX.

admin_superstan

2017-01-28 10:04:57

Arlenchik, этика нормаларын сактаңыз.

-1

Ayida

2017-01-27 21:23:47

Гинекологко корунуп экспертиза кылдыр зордукталганын аныктап берет

nazi25

2017-01-27 21:31:21

Ким билет эми чынбы жалганбы?Эки тарапты угуп чечим чыгарыш керек.Эки тарапта тең күнөө бар го.

munduz2016

2017-01-27 21:48:19

Кимиси айыптуу болсо бир нерсени коргусу келип калыптыр...Балакеттерден Жараткан Озу сактасын.

Ma9

2017-01-27 23:29:30

Экинчи Жак менен да байланышып коргулочу супер инфо

Asan123

2017-01-28 01:26:41

Адресин кайдан билсе болот админ ?

erkeleim

2017-01-28 02:27:34

зордуктаган баланы сотко бер ошондо таеженин чыныгы жузу ачылат ал баланы эстеп калган болсон тез арыз жаз

Take_men

2017-01-28 07:51:29

Коз корбогондон кийин айтыш кыйын

Janyla

2017-01-28 08:09:44

100 миң акчаны кантип,бөлөсүнүн көзүнчө санап албайт!?1000 алганда,бергенде эле санайт го!Бир жактуу айтылган,экинчи,үчүнчү жакты да угуш керек.

nurtilek9702

2017-01-28 11:18:41

Өзүндүн бир тууганын ушундай кылабы эгер ырас болсо бир күн жазасын алат

Aruwka.89

2017-01-28 14:36:31

Таежеси озу эне екен, уялбайбы
ал кыз балким чынеле куноолу болсо деле жаап жашырып эжеси мн кенешип ортодо чечишсе болотко эч кимге билгизбей
Акча деген эмне кылат ээ адамдарды
Ким куноолу болсо да устудо Кудай бар, баарын коруп туруучу

iasin

2017-01-28 15:24:04

Биз "жээн эл болбойт желке тон болбойт" деген макалга ар бир кыргыздын мээсине сиңип калган да. Ушул макалдын авторуна наалат айтам. Жээн деген бир тууганыңдын канынан жаралган баласы да ээ.. Менин бөлөм машинамды сүзүп салган, өзүм 400$ акчама жазап алгам. Алар мага ар кыйынчылыктардан колдоп келет. Эч жерим кемип калган жок эй. Тескерисинче бөлөлөрүмдүн аркасынан иштерим алдыга жылып келет. Биз бир туугандай эле жашап келебиз. Тайке жээндериме ден соолук ж.б жакшылыктарды каалайм. Ам

Комментарий калтыруу үчүн өз ысымыңыз менен кириңиз же каттоодон өтүңүз.