Өлкө аймагында 22-март күнү 7 кар көчкү түшүп, унаа жолдорун тосуп калган. Бул тууралуу бүгүн, 23-мартта Өзгөчө кырдаалдар министрлигинин басма сөз кызматынан билдиришти.
Маалыматка ылайык, 22-март күнү Ош, Ысык-Көл, Чүй, Жалал-Абад облусунун аймактарында жана Чаткал, Тогуз-Торо районунун унаа жолдоруна кар көчкү түшкөн.
"Учурда атайын техникалар тартылып, унаа жолдоруна түшкөн кар көчкүлөр тазаланууда. Айрым жолдорго түшкөн көчкүнүн көлөмү 3 миң метр кубга жеткен. Негизинен кар көчкүдөн жабыркап адам өмүрүн алган окуя катталган эмес", - деп билдирди басма сөз кызматы.