super.kg logo
  Саясат  

Жогорку Кеңештин 3 депутаты Садыр Жапаровдон кабар алды. "Жапаров туугандарынан митингдерге чыкпоону суранды"

 

Жогорку Кеңештин 3 депутаты Мирлан Жээнчороев, Талант Мамытов жана Жаныбек Бакчиев №47-колонияда жаткан экс-депутат Садыр Жапаровдон кабар алышты. Бул тууралуу SUPER.KG порталына Жапаровдун жубайы Айгүл Асанбаева билдирди.

Анын айтымында, Жапаров депутаттарга ден соолугу жакшы экенин айтып, туугандарынан митингдерди уюштурбоого чакырды.

Бүгүн, 5-апрелде Садыр Жапаровдун туугандары жана тарапташтары Жогорку Кеңештин имаратынын алдында митинг өткөрүшкөн. Алар экс-депутаттын өмүрүнө коркунуч болуп жатканын депутаттарга жана коомчулукка жеткирүү үчүн Ак үйдүн алдына чыгышкан. Митингчилер менен депутаттар жолугушуп, Жапаровдун өзү менен жолугуп келүү үчүн №47-колонияга бара турганын айтышкан.

Буга чейин 2-апрелде Жогорку Кеңештин экс-депутаты Садыр Жапаров №1-тергөө абагында колу жана моюну кесилген абалда табылган, мындан улам Бишкектеги №47-колониянын ооруканасына жеткирилип, ага медициналык жардам көрсөтүлгөн. Кечээ, 4-апрелде Жаза аткаруу мамлекеттик кызматы Жапаровдун ден соолугу жакшы экенин маалымдап, аны 2 күзөтчү кайтарып турганы белгилүү болгон.

Эскерте кетсек, 25-мартта Садыр Жапаров Казакстандан Кыргыз мамлекетине киргенде аны чек арадан күч органдары кармап кетишкен. Ал "Бейбаштык", "бийлик өкүлүнө карата зордук-зомбулук көрсөтүү", "барымтага алуу" жана башка беренелер боюнча айыпталууда. 26-мартта Садыр Жапаров Биринчи Май райондук сотунун чечими менен тергөө бүткүчө Бишкектеги №1-тергөө абагына камалган.

Эртең, 6-апрелде саат 10:00дө Бишкек шаардык соту Жапаровдун баш коргоо чарасын карамакчы.



 
 Тектеш кабарлар 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114526;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: