Бүгүн, 6-майда Бишкекте "Эркектер зомбулукка каршы" жана "Wish Club" уюмдарынын демилгеси менен "Мен кыз ала качууга каршымын" аталыштагы унаа жүрүшү болду.
Жүрүш Тынчтык кең көчөсүнөн башталып, Абсамат Масалиев, Байтик баатыр көчөлөрү менен уланды. Ага катышкан эркектер, өлкөдөгү аялдарга болгон зордук-зомбулукка, кыз ала качууга каршы экенин, аялдардын укугун коргоочулар бар экенин билдирүү максатында чыгышканын айтышты.
"Иш-чараны кыз ала качууга каршы элдин ой-пикирин өзгөртүү, коомчулукка кыз ала качуу зомбулук экенин жеткирүү үчүн уюштурдук", - дейт Марат Алиаскаров.