КСДПнын саясий кеңеши жыйналышка чогулуп жатат

КСДПнын саясий кеңеши бүгүн, 17-майда жыйынга чогулуп жатат. Ага президенттик аппараттын жетекчиси Сапар Исаков, өкмөт башчы Сооронбай Жээнбеков, Жогорку Кеңештин төрагасы Чыныбай Турсунбеков, КСДП фракциясынын лидери Иса Өмүркулов, Жогорку Кеңештин депутаттары Төрөбай Зулпукаров, Осмонбек Артыкбаев, мурунку транспорт министри Калыкбек Султанов, Бишкек шаарынын мэри Албек Ибраимов келишти.

Жогорку Кеңештин депутаты Төрөбай Зулпукаров партиядан президенттик шайлоого талапкер көрсөтүлүшү талкууланарын айтты. Чогулуш жабык эшик артында өтөрү айтылды. Партиянын саясий кеңешинде 36 мүчөсү бар.