Садыр Жапаровду колдоо митингиндеги баш аламандыкка айыпталып жаткандардын тизмеси

Тектеш кабарлар: Садыр Жапаровдун жана анын тарапташтарынын соттук иштери (187 материал)

Бүгүн, 19-майда Бишкек шаарынын Биринчи Май райондук соту УКМКнын алдындагы митингде кармалгандардын ишин карады. Анда кармалгандардын жактоочусу Шарабидин Токтосунов айыпталуучуларды үй камагына чыгаруу өтүнүчүн келтирди. Бирок судья Марат Сыдыков ал өтүнүчтү канааттандырган жок.

Айыпталып жаткандардын тизмеси:

1. Сабыр Жапаров;

2. Рустам Жапаров;

3. Калыбек Жапаров;

4. Улан Усупов;

5. Жаңыбай Жеңишбеков;

6. Эркланбек Тагаев;

7. Чыңгызхан Кожогелдиев;

8. Байгазы Казыбаев;

9. Айдынбек Шамшидин уулу;

10. Абдыманап Бегишев;

11. Адылбек Исаев;

12. Анарбек Бейшеков (үй камагында).

Кийинки сот отуруму 1-июнда болот.

Айта кетсек, 25-мартта УКМКнын алдында Жогорку Кеңештин экс-депутаты Садыр Жапаровду колдоо митингинде жалпы 105 адам кармалып, Биринчи Май райондук ички иштер башкармалыгына жеткирилген. Алардын ичинен 64 адам 2 суткадан 5 суткага чейин Бишкек ШИИББинин кабыл алып бөлүштүрүү жайына киргизилген. Ошондой эле 12 адамга административдик айып салынып, 2 адамга эскертүү берилген. Калгандары менен түшүндүрүү иш-чаралары жүргүзүлгөн.

Мындан тышкары кармалгандардын 12сине кылмыш иши козголуп, алар 2 айга камалышкан. Алардын арасында Рустам Жапаров бар. Бул кылмыш иши "бейбаштык", "милиция кызматкерине кол көтөрүү", "бирөөнүн мүлкүн сындыруу" беренелеринин негизинде экени айтылган.

Митинг учурунда 5 милиция кызматкери жабыркаган.

17:46 19-05-2017

Автор: Илязбек Балташев
Фото: Илязбек Балташев

Жазылуу

РУБРИКАДАГЫ СОҢКУ КАБАРЛАР

15:41 2024-04-24 | Коом жана турмуш

Сузак районуна да өзгөчө кырдаал режими жарыяланды 137 0

15:38 2024-04-24 | Коом жана турмуш

"Манас" университетинде Улуттук эгемендүүлүк жана балдарды коргоо күнү белгиленди 84 0

15:23 2024-04-24 | Коом жана турмуш

Май майрамдарына карата Калкты тейлөө борборлорунун графиги 196 0

14:50 2024-04-24 | Коом жана турмуш

Жаан жаайт. Эртеңки күнгө күтүлгөн аба ырайы 403 0

14:50 2024-04-24 | Коом жана турмуш

Акыйкатчы сабалган өспүрүмдүн иши боюнча тергөөдөн кылмышты оордотуучу жагдайларга көңүл бурууну талап кылды 184 0

14:45 2024-04-24 | Кылмыштар, кырсыктар

Чүйдө токтоп турган унааны айдап кеткен шектүү кармалды 198 0

Архив

Комментарийлер (4)

Zeinep_gunew93

2017-05-19 18:00:30

Уй камагына чыгарып олкодон чыкпасын деген чечим менен коюп жиберсе болот эле жок жерден эле кармап дагын 1 июнга созуп коюптур. Бизде адилетту сот чечимин чыкканын коро элекмин карапайым элге эле кучу жетет соттордун Чондун же Чон жерде иштегендердин тууган уругун тааныш билиш аркылуу пара берип тосмо арыз жаздыртып куноосуз болуп чыгып кетишет

+10

KGstan1981

2017-05-19 18:06:28

Макул булар милиция кызматкерлерине бир пластиковый бутылканы ыргытканы учун жана бир автобустун айнегини сындырганы учун 2 айга камасанар.Анда эмесе 2010ж.7 апрель куну колдорунда курал кармап БТР менен ак уй тарапка ок атышып жана бир нече милициянын машинелерин аскердик камазды куйгузгондору учун дагын камаш керек.

+13

eduardali

2017-05-19 18:39:58

Ылайым Садыр Жапаров менен Ашанын орду алмашып калса экен.

+13

Zazharka

2017-05-19 19:48:06

Бул кундор да отуп кетет тим эле олбочудой жашап жатышат го чиркин биздин чондор))))) коруп туруп кормоксон баары

Комментарий калтыруу үчүн өз ысымыңыз менен кириңиз же каттоодон өтүңүз.