SUPER.KG порталынын "Суперстан" бөлүмүндө "Ах-хх, эркек балдардын атыры" деген тема талкууга алынууда.
Темадагы билдирүүлөрдөн:
"Эркектерге да атыр тандаш абдан оор. Ал адамдын табитин жакшы билбесең андан да кыйын. Мен жолдошумдун колдонгон DKNY, BVLGARI (карасы), Salvatore Ferragamo атырларынын баарысын өзүм тандап берем. Азыр ушул үчөөнү алмаштырып колдонуп жүрөт. Балама Guerlain, BVLGARI (жашылы) сыяктуу жумшак жыттар жагат".
"Менде бир атыр бар эле. Сыртында MEN деп жазылып турат, бирок башка аты жок экен. Аябай жакчу, ошондой таппай жүрөм".
"Эң сонун жыт - бул анын жоктугу" деген экен бир аалым. Анын сыңарындай эркектердин табигый эле жыты жакшы го. Болгону тамеки, тер жыттынбай дайыма "свежий" жыттанып турса, ошол эң сонун. Мага көбүнчө жумшак, анан деңиз жыттары жагат. Кээ бирөөлөр бар, жыты жакшыбы, жаманбы, карабай эле буркуратып алышат. Жанында араң жүрөсүң".
"Келинчегим "атыр сеппей эле коюңузчу, өзүңүздүн жытыңыз эле жакшы" деп айтып калат. "Менин жытым кандай" десем, "сонун" дейт".
"7-класстан баштап кызга жагуунун аракетин кылып жасанып, таранып калган учур. Айылда кайдагы атыр, апам шаарга бара жатканда "атыр ала келиңиз" десем үч атыр ала келиптир. Ошол күндөн баштап мен "звезда" болуп калдым. Конокко барганда балдардын баарына буркуратып сээп берер элем, ал кезде жытына деле маани бербептирбиз. Азыр элестетсем, ал жытты азыркы кыздар жактырбай эле ууланып, жүрөктөрү айланып, 100 метр жакындаба дешсе керек. Шаарга келип студент болгондон бери Adidas'тын атырларын колдончумун. Бир жыл мурун бир группалашым 23-февралда Oriflame S8 белек кылган, ошол күндөн бери ушул атырды колдонуп келем".
"Эң жакшы көргөн атырлардын бири Ultraviolet Paco Rabanne, бир эле сээп койсоң бир жума жыты кетпей жүрө берет. Анан "атырыңдын аты кандай?" деп балдар гана эмес, кыздар да сураган учурлар көп кездешет".
Талкууга кошулгуңуз келсе, бул жакка кириңиз.