Американын 17 жаштагы жашоочусу мектепти аяктап жатып, салтанатка өлүк ташыган унаа менен табытка жатып келген. Чет элдик маалымат булактары Меган Флагерти аттуу бул бүтүрүүчү кыз классташтарын таң калтырууну көздөп ушундай кадамга барганын жазууда.
Маалыматта айтылгандай, Меган Флагерти кичинекей чагынан маркумдарды акыркы сапарга узатуудагы ритуалдарды көрсөткөн ишкананын жетекчиси болууну кыялданат.
"Бүтүрүү кечеси өтчү жерге жакын өлүк ташыган унаа токтотулуп, андан табытты жерге алып түшүштү. Табыттан кече көйнөгүн кийип, колуна гүл кармаган кыз жигитинин жетелөөсүндө түштү", - деп айтылат маалыматта.