Базарда баштык терип энеси менен инисин баккан өспүрүм кыз үй-бүлөсү менен кайрадан үйсүз калганы жатат

Кайрылуу каты

Айчүрөктүн иниси

Айчүрөк апасы менен

Айчүрөк

Ден соолугунун мүмкүнчүлүгү чектелип, майыптар арабасында отурган энесин жана бир тууган инисин багып жаткан 15 жаштагы Айчүрөк үй-бүлөсү менен турак жайсыз калганы турат. Бул тууралуу бүгүн, 10-августта SUPER.KG порталына анын апасы Ырыскан Сулайманова билдирди.

"Буга чейин кызым базарда баштык терип бизди багып жүрүп маалымат каражаттарына чыгып кеткен эле. Андан соң бизге шаардагы компаниялардын бири 1 жыл бою батирдин акчасын төлөп жүрдү. Жакында ишкананын жетекчилиги алмашып, батирдин акчасын төлөбөстүгүн билдирди. Ал эми үй ээси 27-августка чейин мөөнөт берип үйдөн чыгарганы жатат. Буга чейин жашап келген эт комбинатынын жер төлөсүн жаап салышыптыр. Эми кайда барарыбыз белгисиз болуп жатат. Буга чейин кызым Орусиядагы телеканалдардын бириндеги телеберүүгө чыккан. Ошол телеберүүдө жардам беребиз дегендер болгон. Убада бергендердин бири банк аркылуу Москвадан бир жолу 5 миң сом которгон. Андан башкаларынан жардам болгон жок", - деп билдирди Сулайманова.

Ырыскан Сулайманова август айынын башында Темир Сариевге, Сооронбай Жээнбековго, Бакыт Төрөбаевге жана Өмүрбек Бабановго каражат жагынан жардам берүүнү, ошондой эле турак жай салуу үчүн жер бөлүп берүүнү суранып кат аркылуу кайрылган. Андан бери 1 айга жакын убакыт өтсө да, алардан жооп боло электигин айтты.

"Айчүрөк кызым быйыл 15 жашка толду. Балам болсо 13кө чыкты. Окуу жылы башталса окуу куралдарын жана кийим сатып алуу маселеси жаралат. Ал үчүн каражатыбыз жок. Менин кан басымым көтөрүлүп, иштей албай жатам. Бүгүнкү күндө майыптар арабасында отурам. Айчүрөк суусундук сатып иштеп жатат", - деп кошумчалады Сулайманова.

15:10 10-08-2017

Баштык терген Айчүрөктүн үй-бүлөсү

Баштык терген Айчүрөктүн үй-бүлөсү (2)

Автор: Акназар Сулайманкулов
Фото: Акназар Сулайманкулов

Жазылуу

РУБРИКАДАГЫ СОҢКУ КАБАРЛАР

19:35 2024-04-24 | Кылмыштар, кырсыктар

Кадамжайда аткезчилик жол менен алынып келе жаткан жаңгак аныкталды 87 0

18:56 2024-04-24 | Саясат

Садыр Жапаров Азербайжандын президенти менен болгон сүйлөшүүлөр боюнча билдирүү жасады 288 0

18:17 2024-04-24 | Коом жана турмуш

Касымалы Баялинов атындагы китепканага лифт орнотулду (фото) 229 0

17:40 2024-04-24 | Саясат

Кыргызстан менен Азербайжан кызматташуу боюнча документтерге кол койду 277 0

17:35 2024-04-24 | Кылмыштар, кырсыктар

Милиция Чолпон-Атада каза болгон 2 индиялык жаран боюнча маалымат берди 919 0

17:22 2024-04-24 | Саясат

Садыр Жапаров менен Ильхам Алиев тар чөйрөдө сүйлөшүү жүргүзүштү 287 0

Архив

Комментарийлер (5)

Tyty1990

2017-08-10 15:12:33

Шайлоого миллиондорду чачкан аткаминерлер карап коюшса болмок

+14

ayjan_90

2017-08-10 15:22:00

Бул жеп жутарлардан бир тыйын да чыкпайт карапайым эл жардам берет банктан счёт ачышсын тапканыбызды салабыз анан копчулукко жардам берип жургон Азамат Байматовко кайрылыш керек ошол инсан элдин акчасын бир сомун да нары бери кылбай уй салып берет ошол инсанга аябай ыраазымын

+13

Azatbek83

2017-08-10 15:26:51

Адеп акчаны сюрприз болот деп той откоруп сапыра бербестен.Ушундай туугандарга жардам берип койсонор болмок.

grace

2017-08-10 15:33:02

Айчүрөктүн апасы Ырыскан Сулайманованын тел:0703 68 54 48. Колдон келишинче жардам берели элим.

aika0906

2017-08-10 23:49:50

могу Анжелика Асема дегендер кайра кайра той кыла бербестен ..машина ала бербей ушундайларга жардам берсе омур бою сообу тиет эле...эхххх кана эми мен да анжеликадай бай болсом

Комментарий калтыруу үчүн өз ысымыңыз менен кириңиз же каттоодон өтүңүз.