Бүгүн, 16-августта Бишкек шаарынын Биринчи Май райондук сотунда Өмүрбек Текебаев менен Дүйшөнкул Чотоновдун иши боюнча соттук отурум уланууда. Анын жүрүшүнө күбө болуу үчүн келген жарандык активист Өндүрүш Токтонасыров милиция кызматкерлери тарабынан сот имаратынын короосунан чыгарылды. Буга "Текебаевге боштондук!", "Айбек Эрнис уулу эсиңе кел!" деген жазууларды денесине чаптап алганы себеп болду.
Милиция кызматкерлеринин айтымында, сот имаратынын алдында митинг өткөрүүгө болбойт.
Ал эми жарандык активист "мен митинг өткөргөн жокмун. Болгону Конституциялык укугумдун негизинде өз оюмду билдирип жатам" деди.