Өзбекстандын жергиликтүү телеканалдарынын бириндеги "Учбурчак" берүүсүндө 4 жаштагы кызынын жалынып-жалбарганына карабай атасы катуу сабап жаткандагы видео көрсөтүлгөн. Кызын сабаган киши Мирабад райондук милиция бөлүмүнүн кызматкери экендигин Өзбекстандын маалымат булактары жазууда.
Маалыматта жазылгандай, кызын сабаган атага кылмыш иши козголгон. Видеону ушул жылдын апрель айында кыздын атасы өзү тартып алып, Түркияда жүргөн аялына жөнөткөн.
Ал кызын уруп жатып: "Апаң силерди таштап Түркияга кетип калды. Мен силерди 2 жылдан бери багып жүрөм. Апаңа керек эмес болсоң мага керексиңби?! Мен эми силерге иттин күнүн көрсөтөм", - деп жемелеген.
Видеону көргөн аялы милицияга арыз менен кайрылган. Соттун чечими менен сабалган төрт жаштагы кыз жана анын сегиз жаштагы агасы апасына өткөрүлүп берилген.
Ал эми кызды сабаган милиция кызматкери ушул жылдын октябрь айында жумуштан кетүү тууралуу арызын жазып, кызматтан кеткен.