Кыргыз Республикасынын Корея Республикасындагы элчилигинде өкмөт башчы Сапар Исаковдун демилгеси менен ишке ашып жаткан “Таза коом” долбоорунун алкагында жакшы иштер жүрүүдө. Элчиликтин консулу Нурзат Саякбек кызынын айтымында, аны жарандар дароо эле сезип, ыраазычылыгын билдирип жатышат.
“Таза коом” долбоорунун алкагында автоматтык-маалыматтык систем аркылуу паспорт жана нике күбөлүгүн берүүдөгү жаңы жетишкендиктер 2017-жылдын ноябрь айынан тарта иштей баштады. Мурда жалпы жарандык паспортту алмаштырыш үчүн 3 ай керек болсо, азыр болгону 12 күн. Ошондой эле азыркы тапта жаңы төрөлгөн балага жеке персоналдык номерди өзүбүз берип калдык. Көпчүлүк мекендештер бизге жылуу сөздөрүн айтып, эң жакшы жетишкендик катары кабыл алышууда", - деди консул.