super.kg logo

Кылычбек Султан: "Эркелеген аткаминерлерге убактым жок"

 

Кыргыз өлкөсүнүн Корея Республикасындагы атайын жана толук ыйгарымдуу элчиси Кылычбек Султан Тышкы иштер министрлиги элчиликти бул өлкөгө жеке иштери менен барган кишилерди тосуп алууга мажбурлап жатканын айтып чыкты. Кылычбек Султан "Азаттыктын" бир нече суроолоруна жооп берди.

- Кылычбек мырза, сиздин билдирүүңүзгө эмне себеп болду?

- Мындай нерселер болуп эле турат, оозеки түрүндө, өтүнүч катары айтышат. Ошондо бул биздин милдетибиз эмес экенин түшүндүрүп, аларды жасаганга шартыбыз жана убактыбыз туура келбей турганын айтып коёбуз. Бирок бул жолу мени таң калтырганы - кагаз тапшырма, буйрук катары келди. Бул бир жагынан таң калычтуу, экинчи жагынан кенебестик болду. Мен бул нерсени коомчулукка ачык айтып чыгууну туура көрдүм.

- Тышкы иштер министрлигинин өкүлдөрү “Кыргыз мамлекетинин элчиликтери жана консулдуктары бардык Кыргыз жарандарына көмөк көрсөтүүгө багытталган, андыктан муктаж жарандарды тосуп алышы да керек” деп жооп кайтарды. Аэропорт шаардан алыспы? Кызматкерлердин саны жетишпейби же каражатыңар жокпу?

​- Келгендерди тосуп алуу элчиликтин милдети эмес. Эгерде муну элчиликтин милдети катары карай турган болсок бул жакта биздин беш миңге жакын жараныбыз жашайт. Анда баарына тең караш керек да. Экинчиден, тапшырмалар да жүйөлүү болуш керек. Эгерде адам майып же дагы кандайдыр бир олуттуу себептери болсо тосуп алыш керек. Ошондой эле расмий делегация келсе, биз алардын ишин көзөмөлдөп турушубуз керек болсо, биз муну өз милдетибиз катары кабыл алабыз. Бул жерде сөз болуп жаткан адам окууга келе жаткан экен, ошону тосуп алыш керек дегенди мен мыйзамсыздык деп эсептейм. Эгерде буйрук берген адам муну мыйзамдуу деп эсептесе, чара көрүүгө укугу бар, сотко же жетекчиликке кайрылсын. Мен буга даярмын.

- Силердин эрежеңер кандай? Канча кызматкер иштейт? Каражат жагыңар кандай?

- Албетте, аэропортко чейинки аралык 100 километрдей болот, болжолум боюнча 1,5 сааттык жол. Учуп келген адамды тосуп алууга алдын ала барыш керек. Ошентип жарым күн бир-эки кызматкер ошол жакта жүрүш керек болот. Элчиликтин, мамлекеттин акчасы ашып-ташып атса, эгерде ушул үчүн гана элчиликти кармап отурса, анда ошол акчаны аз камсыз болгондорго берсин. Элчиликтин жумушу жетиштүү, бул жерде иштегендер тынымсыз өзүнүн багыты боюнча жолугушууларды уюштурат, чогулуштарга катышат. Санап отурса, элчиликтин милдетине ондогон пункттар кирет. Мени кошкондо беш адам иштейбиз.

- Ушундай көрүнүш башка элчиликтерде канчалык кеңири жайылган?

- Кызматка канчалык көз каранды болсо, ошончолук кеңири жайылса керек. Мисалы, Малайзияда элчи катары иштеп жатканда бизге расмий кат келген. "Конституциялык палатанын төрагасы түндө Индонезиядагы расмий жолугушуудан кайтып келет. Ошого жардам берип койсоңор" деген. Жогорку бутактагы адамдын аэропортто калып калышы туура эмес. Ошон үчүн ага жардам берүү үчүн, экинчиден, ага урмат көрсөтүү үчүн айдоочу менен өзүм бардым. Түнкү саат бирде тосуп алганбыз. Бирок ал жалгыз эмес экен, жанында эки адам жана тил билген бирөө бар экен. Ошол жерде бул ашыкча болуп калды. Себеби ал Малайзияга эмес, Индонезияга бараткан адам болчу, аэропорттон транзит менен өтүп бараткан. Барып, учурашкандан кийин ушул аэропорттун мейманканасы бар экенин айттым. Бирок таң калычтуусу – "биз Куала-Лумпурга барып, Эгиз мунараны көрүшүбүз керек эле" деген эркелөө болгон. Айдоочубуздун түн ичинде алыска жол тартып, аларды ары-бери ташып жүргөнү канчалык туура? Ал да бирөөнүн баласы да. Уктап кетиши же кырсыкка кабылышы мүмкүн. Ошол нерсеге көңүл бурулбаганы мен үчүн таң калычтуу болду.

- Сиз ушул маселелерге көңүл бурууну өтүнүп, тышкы иштер министрине, премьер-министрге кайрылдыңыз. Кандай жооп күтүп жатасыз?

- Биринчиден, тартипке чакырыш керек деп ойлойм. Экинчиден, бул көрүнүшкө чекит коюш керек. Мен мындай нерсеге жол бербейм. Жакында эле депутаттар да "элчиликтер инвестиция тарткандын ордуна конок тосуп алып, аны узатып, туристтик агенттиктин функциясын аткарып калышты" деп айтып чыгышкан. Убакыт - бул чоң ресурс, ошону эркелеген чиновниктерди алып жүрүүгө эмес, мамлекеттин кызыкчылыгы үчүн колдонуш керек. Муну дипломаттар ачык айтышыбыз керек.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 4 
Комментарийлер(9)
12.02.2018. 13:12 
Тайпасы:
Жаран
Комментарийлердин саны:
317
Катталган:
13-09-2016
Соӊку аракети:
24-09-2018 10:18
Жынысы:
Белгисиз
+22
Туура айтат Кылычбек мырза эл учун мамлекет учун куйгон чыныгы инсан
12.02.2018. 13:14 
Тайпасы:
Жаран
Комментарийлердин саны:
70
Катталган:
12-08-2013
Соӊку аракети:
24-09-2018 09:56
Жынысы:
Белгисиз
+21
Туура чиновниктерди талтандатып тоспой башка иш кылгыла
12.02.2018. 14:24 
Тайпасы:
Жаран
Комментарийлердин саны:
860
Катталган:
14-11-2015
Соӊку аракети:
24-09-2018 10:14
Жынысы:
Белгисиз
+14
+200% колдоймун сизди,Жакшы кыласыз тоспой.Эл катары такси тосуп,акча коротуп барышса бойлорунан тушуп калбайт.“Кыргыз мамлекетинин элчиликтери жана консулдуктары бардык Кыргыз жарандарына көмөк көрсөтүүгө багытталган, андыктан муктаж жарандарды тосуп алышы да керек”
-дегени чын болсо.Москвадагы элчилик тосуп алсын ))) баардык келген кыргыз жарандарын,баары жардамга муктаж.
Талтандабай озунор бутургуло ишинерди
12.02.2018. 15:15 
Тайпасы:
Жаран
Комментарийлердин саны:
284
Катталган:
22-07-2016
Соӊку аракети:
24-09-2018 10:31
Жынысы:
Белгисиз
+10
Элчилик күтүп албаса уялам дегендерден окшойт
12.02.2018. 15:21 
Тайпасы:
Жаран
Комментарийлердин саны:
315
Катталган:
19-04-2014
Соӊку аракети:
02-09-2018 05:57
Жынысы:
Белгисиз
Калаасы:
Ala-Buka
+13
Ушул патриотубуз дагы курмандыкка чалынып кетпесе эле.
12.02.2018. 15:21 
Тайпасы:
Жаран
Комментарийлердин саны:
6
Катталган:
06-02-2017
Соӊку аракети:
23-09-2018 16:10
Жынысы:
Белгисиз
+8
Биздин чиновниктер бироонун эсебинен чай,мейманкана,каробка белек бечкек,сауна деп жашашат ошону токтотуш керек ,айылдарга барса айыл окмоттордун шоору акча топтоп аларды сыйлап белек берип курорторго эс алдырып самалетко билет алып тозокдун баары министрлер айыл кыдырганы,прокурорлор болсо салык салып койгон бербесе текшерип кылмыш ишин козгоп башташат
12.02.2018. 16:14 
Тайпасы:
Жаран
Комментарийлердин саны:
13
Катталган:
19-10-2017
Соӊку аракети:
08-09-2018 14:32
Жынысы:
Белгисиз
+5
АЗАМАТ 1000%КОЛДОЙМ ЖАКШЫ ИШТЕЙТ
12.02.2018. 16:27 
Тайпасы:
Супермодератор
Комментарийлердин саны:
1625
Катталган:
05-09-2011
Соӊку аракети:
24-09-2018 11:20
Жынысы:
Белгисиз
Калаасы:
Супер-Инфо
0
2016gulanda, баш тамгалар грамматика эрежелерине ылайык гана колдонулушу керек.
12.02.2018. 23:17 
Тайпасы:
Жаран
Комментарийлердин саны:
10
Катталган:
02-03-2012
Соӊку аракети:
22-09-2018 18:03
Жынысы:
Белгисиз
+1
Азаматсыз. Акылы барлар сизди колдойт жана коргойт.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114567;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: