super.kg logo
  Спорт  

ЖЫЛНААМА, 18-ФЕВРАЛЬ: Белгилүү мушкер Алмазбек Раимкулов 41 жашка чыкты

 

Бокс боюнча профессионалдар арасында Түндүк Американын чемпиону, Кид Даймонд лакап аты менен таанымал мушкер Алмазбек Раимкулов 1977-жылы 18-февралда туулган.

Ал 14 жашынан тартып Кыргыз Республикасынын Эмгек сиңирген спорт чебери, машыктыруучу Кален Асановдон сабак алып, машыга баштаган. 15 жашында спорт чеберине талапкер болсо, 19 жашында Кыргыз Республикасынын спорт чебери болгон. Андан кийин 23 жашында эл аралык спорт чеберине жеткен. 2000-жылы Сиднейде өткөн олимпиадада 4-орунду ээлеп, Кыргыз Республикасынын Эмгек сиңирген спорт чеберлигине татыктуу болгон.
Алмазбек Раимкулов эл аралык мелдештерде бир нече жолу жогорку ийгиликтерге жетишип, Кыргыз өлкөсүнүн желегин желбиреткен. Өлкөнүн он жолку чемпиону.
2001-жылдан тартып профессионалдуу бокско аралашып, АКШнын Лас-Вегас шаарында жашап, спорт менен машыгып келген. 2005-жылы үч жолку дүйнөнүн чемпиону, Атланта олимпиадасынан алтын байгени уткан кубалык Хоел Касамайор менен дүйнөлүк чемпиондук таймашка чыккан. Бирок бул таймашта жеңиш Раимкулов тарапта болсо да, калыстар тобу эки мушкерге бирдей баа беришкен. Себеби таймаш болордо Алмазбек Раимкуловго АКШ желеги менен чыгуу сунушталган эле. Спортчу андан баш тарткан.
Алмазбек Раимкулов 2006-жылдын сентябрь айында Түндүк Американын НАБФ версиясындагы чемпиондукту жеңип алган.
2009-жылы беттешке чыгып, 9-раундда жеңилүү ызасын тартып калган. Дал ушул окуядан кийин карьерасын токтоткон. Ал эми 2017-жылы Москвада Кид Даймонд аталышындагы машыгуу залын негиздеп, учурда аталган залда машыктыруучу болуп эмгектенет.
18-февралдын жылнаамасы.


 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(2)
18.02.2018. 15:17 
Тайпасы:
Тартип бузгандар
Комментарийлердин саны:
1110
Катталган:
01-01-2017
Соӊку аракети:
11-06-2018 16:43
Жынысы:
Белгисиз
0
Азамат!
19.02.2018. 08:28 
Тайпасы:
Жаран
Комментарийлердин саны:
144
Катталган:
25-01-2016
Соӊку аракети:
02-03-2018 16:31
Жынысы:
Белгисиз
0
Азыр дагы башкасы менен болсо керек. Кимисиники туура билбейсин, деги бактылуу эле болушсунчу
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
117840;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: