Казакстанда депутат Дамирбек Асылбек уулу менен бирге кармалган эки Кыргыз жаранына айып тагылып, камакка алынды

Тектеш кабарлар: Казакстанда Кыргыз депутаты Дамирбек Асылбек уулу кармалды (60 материал)

Казакстанда Жогорку Кеңештин депутаты Дамирбек Асылбек уулу менен бирге кармалган эки Кыргыз жараны да эки айга тергөө абагына камакка алынды. Мындай чечим Алматы шаардык соту тарабынан кабыл алынганын Казакстандын ЖМКлары жазууда.

Маалыматтарга караганда, Дамирбек Асылбек уулу менен чогуу камалгандар Уланбек Мурадилов менен Чыңгыз Абакиров. Аларга Казакстандын мыйзамдарына ылайык, "Экономикалык аткезчилик" жана "Улут аралык кылмыштуу тайпаны түзүү жана алардын үстүнөн жетекчилик кылууга аралашуу" беренелери боюнча айып тагылууда.

Белгилей кетсек, 15-16-февраль күндөрү Казакстандын укук коргоо органдары тарабынан Алматы, Жамбыл жана Түштүк Казакстан облустарындагы чек ара аймактарында аткезчилик менен алектенген кылмыштуу топтордун мүчөлөрүн кармоо үчүн атайын ири операция жүргүзүшүп, 35 адамды кармашкан. Алардын арасында 3 Кыргыз жараны бар экени жана анын бири Жогорку Кеңештин депутаты Дамирбек Асылбек уулу экени белгилүү болгон.

Өлкөнүн Башкы прокуратурасы бүгүн, 19-февралда кармоо учурундагы видеону расмий сайтына жарыялашты. Жарыяланган видеодо: "Анын жүрүшүндө Казак-Кытай, Казак-Кыргыз жана Казак-Өзбек бажы постторунда товарлардын контрабандасынын туруктуу схемалары аныкталды. Товарлар Орусиянын жана Казакстандын ири шаарларына жеткирилип жаткан. Операцияда жалпысынан кармалган 35 адамдын арасында бажы, укук коргоо органдарынын өкүлдөрү, ортомчулар, кылмыш дүйнөсүнүн уюшкан топтору, брокерлер бар", - деп айтылат.

20:09 19-02-2018

Казакстанда ЖК депутаты кармалган операциянын видеосу чыкты

Автор: Жамалидин Парманкулов

Жазылуу

РУБРИКАДАГЫ СОҢКУ КАБАРЛАР

21:57 2024-04-19 | Саясат

Садыр Жапаровдун Казакстанга болгон эки күндүк расмий сапары аяктады 414 0

21:24 2024-04-19 | Спорт

Эрназар Акматалиев Париждеги Олимпиадага жолдомо утуп алды 863 0

20:19 2024-04-19 | Саясат

Садыр Жапаров Астанадагы улуттук космос борборуна барды (сүрөттөр) 692 0

19:37 2024-04-19 | Супер-Инфо

Жолдошбек Жанжигит уулу, актёр: «Жубайым тыйып турбаса элирип кетем» 680 0

19:36 2024-04-19 | Коом жана турмуш

Ысык-Көлдө 350 орундуу медициналык мекеменин имаратынын курулушу башталды 531 0

19:11 2024-04-19 | Спорт

Балбан Бекзат Алмаз уулу Олимпиадага жолдомо утту 1017 0

Архив

Комментарийлер (4)

altyn7776

2018-02-19 21:34:19

сабыр кылуу керек эле...депутат болуп кыргыз элин шерменде кылбай... биздин мугалимдер, 6-7 мин сом айлыка жашап жатышат сабыр кылып. Булар акчага сатып алган мандаттарын актоо учун шерменде болушууда. Кыргызстандын ичинде болгондо дале акча берип чыгып кетмек. Казакстанда да кол тийбестигим бар деп ойлогон го бу шордуу спрртсмен

didu

2018-02-19 21:39:20

казактар эркек экен РП ДЖ ПК дебей ачык эле чыгарып коюптур

Boika1986

2018-02-19 22:44:47

Ошондо 119 гузу калдыбы жеп жуттардан?

tursunbaev78

2018-02-19 23:05:30

Boika1986,дагы бирөөсү келетта ордуна,сугалактап ач бөрүдөй

Комментарий калтыруу үчүн өз ысымыңыз менен кириңиз же каттоодон өтүңүз.