super.kg logo

Шоу-бизнестин ишкер келиндери

 

Кыргыз шоу-бизнесиндеги ырчы, "тамашоучу" мырзаларыбыздын колун бекем кармаган жубайлары чыгармачыл чөйрөдөн эмес. Бирок көпчүлүгүбүзгө белгилүүлөрдүн өмүрлүк жары эмне менен алектенери, кайсы кесиптин ээси экени, дегеле баскан-турганы кызык. Эмесе, жеке ишкерлик менен алектенген шоу-бизнестин келиндери менен таанышып алыңыздар.

Сүйүү Шейшекеева, Lashmaker. Ырчы Ильяз Андаштын жубайы, 1 кыздын апасы

"Өзүм медициналык колледжди аяктагам. Диплом алгандан кийин билимимди улантып, косметолог болоюн дегем. Бирок кош бойлуу болуп, үйдө отуруп калдым. Ошондо бекер жатпай кирпик чаптоонун окуусуна барайын десем жолдошум макул болду. Колума сертификатты алгандан кийин аяштарыма, курбуларыма, тааныштарыма кирпик чаптай баштадым. Төрөгөндөн кийин деле кардарларым келип турушат. Салон иштетпейм, чакырууларды кабыл албайм. Бул менин хоббим болгондуктан салон иштетүүнү ойлогон эмесмин. Кызым азыр өз алдынча болуп калды. Бир жолу бир кардарымдын кирпигин чаптап бүттүм дегенде кызым кушеткада жаткан кардарымдын кирпигине клей шыбап салган".

Каарманыбыз убактысына карап, буюртмаларды кабыл аларын, ошентсе да жакшы киреше табарын билдирди. Керектүү каражаттарды алгандан кийин өзүнө да акча артарын кошумчалады.

Кымбат Асизова, визажист, lashmaker. Клипмейкер Эрнист Сыдыковдун жубайы, 3 баланын апасы

"Негизги кесибим киноактриса. Турмушка чыккандан кийин жолдошум актёрлук карьерама чекит кой дегенинен башка иш менен алектенүүгө туура келди. Эмнегедир жан дүйнөм визажист болууну каалады. Кыска убакыттагы окууларга барып, визажист болдум. 2 жылдан бери сулуулук салонун иштетип келем. Келген кардарларды сулуулагандан ырахат алам. Тойдун, кечелердин мезгилинде бир күндө 20 кардарды боёгонго үлгүрөм. Андан көп болуп кетсе жанымда иштеген кыздарга бөлүп берем. Учурда тажрыйба топтоп алып, окутуу борборун ачууну пландап жатам. Балдарымды чоң апасы, эжем карашат", - дейт.

Мындан тышкары Кымбат айым үлпөт көйнөктөрүн ижарага берген салонду иштетип келет.

Наристе Мыкыева, шоумен, актёр Санжар Мыкыевдин жубайы, 1 кыздын апасы

"Турмушка чыкканга чейин сулуулук салонун иштетип, кээде айымдардын тырмагын боёп турчумун. Үй-бүлөлүү болгондон кийин сулуулук салонун иштетип калдым. Учурда заманбап сумкалар коллекциясын чыгарып баштадым. Тактап айтканда, автордук долбоор түзүп, айымдардын эксклюзивдүү сумкаларын даярдап, сатыкка чыгардым. Негизи бул ишти баштаарда алгач өзүм эксперимент жасап көргөм. Өзгөчө сүрөттөрү бар сумка көтөргүм келип атайын жомоктогу үзүндүдөн сүрөт тарттыргам. Сүрөт ысыкта, суукта дагы кетпей аябай жакшы сакталгандыктан, бул ишти андан ары улантайын деп чечтим. Жөнөкөй эле сумкаларды буюртма менен Түркиядан, Кытайдан алдыртып, бул жактан сүрөт түшүрөбүз. Ар бир сумка бир гана экземплярда даярдалат", - дейт ал.

Мындан сырткары "тамашоучу", актёр, тамада Самат Эркинбековдун жубайы Чолпонай сулуулук кызматын көрсөтүп иштесе, алып баруучу Кубат Кубанычбековдун жубайы Айжан туура тамактануучу, арыктатуучу каражаттарды саткан компанияда иштейт.

кошулду


 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(4)
12.07.2018. 16:17 
Тайпасы:
Жаран
Комментарийлердин саны:
4
Катталган:
14-05-2015
Соӊку аракети:
18-09-2018 13:11
Жынысы:
Белгисиз
Калаасы:
ордолуу ОШ
+5
Баары эле сулуулук салонун иштетет турбайбы. Наристенин сумкалары жакты.
asi15 түзөттү 2018-07-12 16:20:44
12.07.2018. 20:14 
Тайпасы:
Жаран
Комментарийлердин саны:
703
Катталган:
26-01-2017
Соӊку аракети:
14-09-2018 13:16
Жынысы:
Белгисиз
+3
Кокуууй жасалма сулуулуктун заманы болду да калды,баары эле салондо иштесе.Медик ,мугалим,сатуучу,пол жуугуч жок го .
13.07.2018. 09:00 
Тайпасы:
Конок
Комментарийлердин саны:
2
Катталган:
19-06-2018
Соӊку аракети:
20-09-2018 12:05
Жынысы:
Белгисиз
0
Соо адамы жок го бут эле ишкер
13.07.2018. 11:38 
Тайпасы:
Жаран
Комментарийлердин саны:
38
Катталган:
26-05-2013
Соӊку аракети:
22-09-2018 18:34
Жынысы:
Белгисиз
0
Неге эле ушу тамашоучуларды эле жаза бересинер суперчилер,аттуу баштуу адамдар толтура го.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114548;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: