Казакстанда Кыргыз өлкөсүндө өндүрүлгөн кийимдерден уулуу заттар табылгандыгы айтылууда

Казакстандын Караганда облусунда Кыргыз өлкөсүндө өндүрүлгөн балдар кийимдеринен уулуу заттар табылды. Бул тууралуу Казакстандын жергиликтүү басылмалары жазып чыгышты.

Маалым болгондой, шаардын санитардык кызматы дүкөндөр менен базарларда сатылган балдар кийимдеринде зыяндуу зат формальдегиддин өлчөмү нормадан ашыкча экендигин аныктаган. Дарыгерлер бул балдардын ден соолугуна жана өмүрүнө коркунуч жарата турганын билдиришкен. Ал эми зыяндуу заттар табылган кийимдер Кыргыз өлкөсүндө өндүрүлгөнү маалымдалган.

Бул боюнча Кыргыз Республикасынын саламаттыкты сактоо министри Талантбек Батыралиев ден соолукка зыян келтирген товарлар Кыргыз жеринен барганы тууралуу расмий билдирүү алса, тийиштүү чараларды көрө турганын, керек болсо кызматтык иликтөө жүргүзө турганын билдирген.

"Эгер товарлар бизге тиешелүү болсо сөзсүз иликтөө жүргүзөбүз. Бул жерде сөз балдардын ден соолугунда болуп жатат. Эгер өлкөдө тиешелүү эрежелерди сактабаган кандайдыр бир фабрикалар бар болсо, алар жабылышы керек", - деген ал.

Учурда товарлар соода жүгүртүүдөн алынып, аны сатып жаткан ишкерлерге 200 миллион теңге айып салынганын жергиликтүү басылмалар жазышкан.

15:08 23-02-2018

Автор: Бактыяр Кыдыралиев

Жазылуу

РУБРИКАДАГЫ СОҢКУ КАБАРЛАР

22:17 2024-04-18 | Саясат

Садыр Жапаров менен Касым-Жомарт Токаев Казакстанда эки өлкөнүн өнөрпоздорунун концертине катышты 509 0

21:55 2024-04-18 | Коом жана турмуш

Астанада активдүү жаштардын катышуусунда II Казак-Кыргыз жаштар форуму өтүүдө 334 0

21:36 2024-04-18 | Спорт

Бишкекте төрт күнгө созулган бокс боюнча эл аралык мелдеш башталды 269 0

20:45 2024-04-18 | Коом жана турмуш

"Манас" театрынын жаңы имаратын ачуу аземинен ирмемдер (сүрөт) 626 0

20:20 2024-04-18 | Коом жана турмуш

Орусия Таластагы билим берүү мекемелерине компьютер жана робототехника берди 442 0

19:11 2024-04-18 | Саясат

Садыр Жапаров расмий сапары менен Казакстанга барды. Президентти аэропорттон Токаев өзү тосуп алды (сүрөт) 1483 0

Архив

Комментарийлер (8)

Bayjigit83

2018-02-23 15:23:34

Кийим кечелер биздин олкодон ондурулгону менен,кездемелер Кытайдан келип жатбайбы.Эгер бизде да каттуу текшеруу болгондо,мындай болмок эмеес.

+19

stimyl.kg

2018-02-23 15:28:13

Бул министир кайсы эрежэлерди айтып жатат кайсы саны жок эсепсиз фабрикаларды айтып жатат? Козомол текшеруу эреже деген нерселер бизге жат корунушго.

+10

baisogur

2018-02-23 15:33:17

Мен Алматы шаарында базарда иштеймин,Кытайдан келген кийимдерди текшербейт Кыргыздан чыккан кийимдерине атайын артка тартып көрө албастык кылып жатышат типа Кыргыздардын атын булгап элдерине жаман көрсөтүп өздөрүнүн өнүмдөрүн мактап сатмайдын пайы болуп жатат,кече эле телефизордон көрсөттү Кыргызды жаман жагын көп айтышат жакшы жагын айтканын эч качан еөрө элекмин!!

+17

grace

2018-02-23 16:22:34

baisogur,Туура айтасың. Бул көрө албастык.

aerforce

2018-02-23 17:25:16

казахтар эптеп эле Кыргызстандын товарын жамандап жатышат былтыр мөмө жемишти айткан

tram-lam

2018-02-23 18:02:21

Кытайдан кийим алып келип, этикетин алып салып Кыргызстандын этикетин кошуп Россияга товар жонотушот деп уккам. Мумкун ошондой товарлар Казахстанга да кетип калгандыр. Кыргызстан ошол кийимдерди алдыртып, ким жонотконун, ким тиккенин катуу текшерип чыкпаса жападан жалгыз онугуп келе жаткан тармагыбыз да жаманатты болуп токтоп калуу коркунучунда.

Ermekbai

2018-02-23 19:02:36

Тигүү цехтерибиз Кыргызстандын эң чоң кен байлыктарынанда көп пайда берип жаткан булак болуп саналат. Кумтөргө караганда тигүү цехтерден көп пайда түшүп жатат мамлекетибизге. Тигүү цехтердин келечегин ойлогула чоңдор.

Tolik77

2018-02-24 11:11:31

Менин ойумча бул жонгана короалбастык

Комментарий калтыруу үчүн өз ысымыңыз менен кириңиз же каттоодон өтүңүз.