Ырларын сатуу жана үн жаздыруу жагынан британиялык ырчы Эд Ширан дүйнө жүзү боюнча 2017-жылдын эң өтүмдүү ырчысы деп табылды. Бул туурасында эл аралык Үн жаздыруу федерациясы өзүнүн жылдык докладында жарыялаган.
Маалым болгондой, Эд Ширандын акыркы жаздырган "Divide" аталышындагы альбому эл аралык бестселлерге айланган. Альбом 2017-жылдын март айында чыгып, дүйнө жүзүнүн 36 өлкөсүнө тараган.
Ал эми алдыңкы ондукка Drake, Тейлор Свифт, Кендрик Ламар, Эминем, Бруно Марс, The Weeknd, "Imagine Dragons", "Linkin Park" жана "The Chainsmokers" топтору киргени маалымдалган.