super.kg logo

Калыс-Ордодогу мектепти курган "Айкөл курулуш" компаниясы 7 миллион сом акчасын ала албай жатканын айтып, депутаттарга кайрылды

 

Бүгүн, 13-мартта Бишкек ЖЭБдеги авариянын себептерин иликтеген депутаттык комиссия Калыс-Ордодогу "ТВЕА" Кытай компаниясынын жана Бишкек мэриясынын каражатына курулган мектептин абалы менен таанышуу үчүн барды.

Анда мектепти курган "Айкөл курулуш" компаниясынын жетекчиси Сейиткан Алиев курулушка жумшалган 7 миллион сом акчасын ала албай жатканын айтып, депутаттарга кайрылды. Ал Улуттук коопсуздук мамлекеттик комитетинин узак текшерүүлөрүнөн улам Бишкек мэриясынан акчасын ала албай жатканын белгиледи.

"2017-жылы мектеп чала курулуп турган кезде келишим түздүк. Кытайлар бизге 759 миң доллар бергенде эле "жетпейт" деп айтканбыз. Кытайдан келе турган 2 миллион доллардын калган бөлүгү бизге чейин эле эки компания тарабынан жумшалыптыр. Бизге берилген 759 миң доллар курулушка жумшалгандан кийин имарат толук бүтпөй калды. Биринчи башталгандагы долбоор 660 окуучуга ылайыкташкан болсо, азыр 1 020 орун болду. Эки кабаты тең курулуп, пайдаланууга берилди. Кытайлыктар менен келишим түзүлгөндө эле "жетпегенин мэрия каржылайт" деп айтылган экен. Мэрия 104 миллион сом бөлүп берди, биз курулушту аяктап, керектүү документтерди, аткарылган иштердин кагаздарын Капиталдык курулуш башкармалыгына өткөрүп бергенбиз. Сентябрга мектепти бүтүрөрдө УКМКдан текшерүү келип, бизди "91 миллион сомду жеп койгон" деп күнөөлөдү. Текшерүү жүрүп жатканына байланыштуу 7 миллион сом акчабызды ала албай калдык. Компьютер жана башка жабдыктарыбызды сентябрда алып кетишкен", - деди Алиев.

Бул мектептин курулушуна кытайлык "TBEА" компаниясы 2 миллион доллар бөлүп берген. Бирок бул каражат мектепти курууга жетишсиз болгондуктан Бишкек мэриясы кошумча 104 миллион 395 миң сом бөлгөн.

Учурда №86-мектепте 2 220 окуучу окуйт. Ар бир класста 40тан окуучу бар.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(1)
14.03.2018. 03:47 
Тайпасы:
Жаран
Комментарийлердин саны:
28
Катталган:
22-03-2017
Соӊку аракети:
21-06-2018 22:00
Жынысы:
Белгисиз
+1
Курганга жараша сапаттуу салынса болмок жарака көп кеткен Уже эле кече депутат келет экен деп түнү менен жаракаларды жааап чыгышты ушул да болобу
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарга кирди:

Кабарлардын саны:
109707;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: