"Жогорку окуу жайында кафедра башчысы кабинетте майрамдаганын видеого тартканым үчүн анын аспиранты мени сабап салды" дейт мугалим

Исхак Раззаков атындагы Кыргыз мамлекеттик техникалык университетинин мугалими кафедра башчысынын отурум өткөрүүнүн ордуна, аспиранты менен кабинетте майрамдап отурганын видеого тартып алганын айтты. Бирок окутуучу атын атоодон баш тартты.

Мугалим SUPER.KG порталына билдиргендей, аспирант анын телефонун сындырган. Жыйынтыгында окутуучунун колунун эти үзүлүп, мээси чайкалган.

"Экономикадагы маалыматтар технологиясы кафедрасынын башчысынын иштеп жатканына бир жылдай убакыт болду. Ал келгенден бери эле ар кандай сөздөр менен мени басынтып, кемсинтип келет. Байкашымча, менин ордум аспиранттарына керек болуп жатат. Бул жерде иштегениме 14 жыл болду. 2 балам менен окуу жайдын жатаканасында жашайм. Азыркы кафедра башчысы келгенге чейин улук окутуучу болчумун, азыр жөн гана окутуучумун.

23-мартта отурум болмок, мугалимдер кафедрада күтүп отурсак кафедра башчысы улук окутуучу болуп иштеп жаткан аспиранты менен кабинетинде майрамдап, спирт ичимдигин ичип отурду. Мен анын бул кылыгын туура эмес көрдүм. Окуу жайда спирт ичимдигин ичүүгө тыюу салынган ректордун көрсөтмөсү бар. Деканды чакырттым, эшикти ачышпагандыктан күзөтчүлөрдү чакырттык. Алардын мас абалын видеого тартып алгам. Коридордо турсам аспиранты келип, башымды тамга ургулап, "видеону өчүр" деп колумду толгоп, телефонумду сындырып салды. Ошондо айла жок укук коргоо органына телефон чалдым. Бишкек шаарынын Биринчи Май райондук сотуна арыз менен кайрылдым. Ооруканага көрүнсөм, дарыгерлер колуңдун эти үзүлгөн деп гипстешти. Мээм да чайкалыптыр, ооруканага жатышың керек деп жатышат.

Кафедра башчысы бир гана мага эмес, башка мугалимдерге да ушундай мамиле кылат. Бизди прокуратурадагы, өкмөттөгү тааныштары менен коркутат", - дейт окутуучу.

Аспирант менен байланышсак, "26-мартта жооп берем" деген пикирин билдирди. Ал эми кафедра башчысынын телефонуна жооп берген жаран ал азырынча байланышка чыкпай турганын айтты.

16:45 24-03-2018

Автор: Сүйүн Кулматова

Жазылуу

РУБРИКАДАГЫ СОҢКУ КАБАРЛАР

13:38 2024-04-23 | Коом жана турмуш

Бишкекте 15 жылдан бери биринчи жолу дартс боюнча чемпионат өттү 89 0

12:48 2024-04-23 | Коом жана турмуш

"Бишкекасфальтсервис" ишканасына жол жумушчулары талап кылынат 191 0

12:27 2024-04-23 | Кылмыштар, кырсыктар

Бишкектеги "Tommi Mall" соода борборундагы спорт зал жана дүкөндөр мамлекетке кайтарылды 295 0

12:22 2024-04-23 | Коом жана турмуш

"Жол кирени көтөрүү керек". Бишкек мэриясы жаңы автобустар канча жылда өзүн актаарын айтты 527 0

12:19 2024-04-23 | Коом жана турмуш

Талас районуна өзгөчө кырдаал режими киргизилди 375 0

12:11 2024-04-23 | Кылмыштар, кырсыктар

Жалал-Абадда сойкулук менен алектенген аялдар кармалды (фото) 1015 0

Архив

Комментарийлер (36)

Mirlan27011987

2018-03-24 17:34:20

Ушул жактагы комент-ди жана плюс минустарды бир эле киши басып жана жазып жатат. Бир киши он жолу регистрация кылып алып ар кайсыны жазганды токтоткулачы. Негизи бул туура эмес. Суперчилер ушул регистрация жагын жакшылап иштеп чыксанар. Сураныч. Бир киши бир эле регистрация болгудай кылып. Элдер башкача ойлоп калышы мумкун.

-28

Dalil

2018-03-24 18:58:37

Mirlan27011987, өзүңдөй ойлобо баарын

Ayida

2018-03-25 17:46:30

Mirlan27011987,сенин айтканын да туура.Азыр корко турган болуп калдык.Кичине туура эмес бассан да видеого тартып интернетке киргизе койушат экен. Уятда. Бирок бул окутуучу оч алыптыр тигилердики да туура эмес сабак учурунда ичип

-2

kyrgyzstan00

2018-03-24 17:50:45

Ваай бирин олуп бирин кал!

-10

Nanei

2018-03-24 18:10:08

Оч алыптыр да акыры!

-3

modem4999

2018-03-24 18:18:22

Видеого тарткан колун сындырып кое жаздаптыр да туура эле кылган.

-7

Dalil

2018-03-24 18:57:37

Аскердик кызматта жоокерлердин арасынан атайын ушундай ар бир окуяны жеткирип туруу үчүн саткын жоокер тандап алышат. Аны өздөрү да жаман көрүшөт бирок кызматын пайдаланат. Видеого тарткан окутуучуга айтаарым, бир сөз менен айтканда эркек эмес экенсин. Колуңдан келсе коллегалардын ортосуна коюп бул маселени ич ара чечиш керек. Эгер ага да болбосо мыйзам чегинде чечиш керек эле. Элге жарыя кылбай.

-2

modem4999

2018-03-24 18:58:12

Азыр катуурак жел чыгарып койсон да эртен интернетке чыгып каласын видеого тарттынар анан муйуз чыгабы?

-1

wwwbaxa

2018-03-24 21:34:28

комментарий деген өзүңдүн ойун менен бөлүшүү да негизи.Бул жерде катындардан беш бетер айтышкандын кереги жок.

aminali

2018-03-24 21:40:01

Эмнеге тартат видеого,мен колун сындырмакмын.Кайдагы бироо учун элге уят болгуча.Видеого тартынбы?Жазанды алдынбы даттанба да!

Nanei

2018-03-24 23:10:03

Мейли,окуу жайда арак ичкен туура эмес,бирок эркек киши аялды сатып жибергени жаман экен. Эркектер ото эле майдаланып кетишти. Эми мектепте деле стукач балдарды жаман корушчу элего эркек балдар

Eli.91

2018-03-24 23:23:11

Ичкени арак болсо кайдагы билимди берет ал?балага билим бербей эле ал балдарды хулигандыка уйрототго?чыгарып энбир туура кылган,андай адепсиздер окуу жайларда билим берууго татыктуу эмес?

jypara1415

2018-03-25 00:52:08

Маалымат так эмес бизге азырынча ...

jojotai

2018-03-25 10:25:06

Каерде жазылып турат алардын эркек же аял экендиги. Эмнеден улам билдинер.тим эле эркекче бол деп жазыпсынар

-1

Aruujanshaxi

2018-03-25 13:45:51

Прократурадагы, өкмөттөгү тааныштарына байланышка аябай чыгып жатса керек.Кой терисин жамынган бөрүлөр улуу инсандын атын булгап, ректору алмашсын. Ректору билбейт дейсиңерби завкафедрасынын ишине кандай мамиле кылганы,университеттерде майда сөз болушат,ушак жерде калбайт.Ар бир мугалиминин характеристикасын билет да ректор.Деканын каратып туруп ошентип жатса

Aruujanshaxi

2018-03-25 13:49:22

Стукачтык эмес чара көрүү болуптур

pero123

2018-03-27 18:01:16

хаха го коментарийлер.ХХХХХХХХХХХХХХ ойлонбойсуңарбы видеого тарткан адам чыныгы эркек экен!ушундай кылбаса бул ишинен бошогунча ичип чардап жүрө бермек да!ректорго айтканда эмне чечилет эле баарынын тили бир болуп атбайбы!мыйзамга баш ийбеген мыйщамды сыйлабаган адамдарды ушинтип элге жарыялагпнда гана мыйзам чегинде жоопко тартылат!

Комментарий калтыруу үчүн өз ысымыңыз менен кириңиз же каттоодон өтүңүз.