super.kg logo

ЖЫЛНААМА, 27-МАРТ: Орусиялык ырчы жана актриса Полина Гагарина 31 жашка толду

 

Орусиялык ырчы, актриса, бир канча ырлардын автору Полина Гагарина 1987-жылы 27-мартта Москва шаарында төрөлгөн. Ырчынын бала чагы Грецияда өткөн. Себеби апасы Грециянын опера жана балет театрында бийчи болуп иштеген. Кийин чоң энесинин колуна, Саратовго келип, ошол жакта жашап, окуп калган. Чоң энеси алгач эле небересин музыкалык мектепке киргизген. Апасынын Грециядагы театр менен болгон келишими аяктаган соң, Москвага көчүп келип кызын өз колуна алган. Москвадан ал 14 жашында музыкалык мектепти аяктап, музыкалык училищеге тапшырган.

Ырчынын балалык кези

2003-жылы 2-курста окуп жүргөн кезинде "Жылдыздар фабрикасы-2" теледолбооруна катышып, жеңүүчү аталган. Ошондон тартып Полина Гагарина чоң сахнага кадам таштап, белгилүү ырчыга айланган.

Полина Гагаринанын хитке айланган ырлары: "Колыбельная", "Я твоя", "Спектакль окончен", "Осколки" жана башкалар. Ошондой эле "Одной левой" комедиясында да роль жаратып, өзүн актриса катары сынап көргөн.
Ырчы 2015-жылы "Евровидение" эл аралык сынагына Орусиянын атынан катышкан. Анда "A Million Voices" ("Миллион добуштар") аталышындагы чыгарманы аткарып, 2-орунду багындырган.
Биринчи жолдошу жана уулу менен
Гагарина 2007-жылы Пётр Кислов аттуу актёрго турмушка чыгып, Андрей деген уулдуу болгон. Бирок 2009-жылы түгөйлөр расмий түрдө ажырашып кетишкен. Албетте, ырчы өзү мунун себебин жашырганы менен, анын жакындары ажырашууга Кисловдун катаал мүнөзү таасир бергенин айтып келишет.
Учурдагы жолдошу Дмитрий Исхаков
2014-жылы экинчи ирет Дмитрий Исхаков аттуу фотографка турмушка чыгып, өткөн жылы Мия деген кыздуу болушкан.
27-марттын жылнаамасы.


 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
117550;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: