Кубат Оторбаев: "Балдарын кароосуз калтырган ата-энелердин жоопкерчилигин караш керек"

Балдарын кароосуз калтырган ата-энелердин жоопкерчилигин караш керек. Бул тууралуу бүгүн, 29-мартта акыйкатчы Кубат Оторбаев Акыйкатчы институтунун кароосуз калган жана мыйзам бузган балдардын укуктары боюнча жарыялаган баяндамасында билдирди.

Оторбаевдин айтымында, айыл жерлериндеги мигранттардын жана кароосуз калган балдардын абалын билүүгө мүмкүнчүлүк жок болууда.

"Биринчиден, ата-энелердин жоопкерчилигин карап, экинчиден, аймактардагы балдардын укуктарынын бузулуп жатканына көңүл бурушубуз керек. Айыл жериндеги андай балдардын абалын билүү үчүн жергиликтүү бийликтеги тийиштүү кызматкерлердин укугун кеңейтип, шарттар менен камсыздоо зарыл. Анткени адистердин жетишсиздиги аз келгенсип, шарттар жок. Мисалы, адистердин биринчи айылдан экинчи айылга баруусуна акчалары жок", - деди Оторбаев.

Мындан тышкары жергиликтүү бийликтин алдында балдардын укуктары менен иштөөчү атайын түзүм түзүү керектигин кошумчалады.

"Айыл жеринде оор шартта жашап жаткан балдарды аныктоонун өзү да жакшы жолго коюлган эмес. Биз аны балдар менен иштөөчү атайын түзүлгөн комиссияга өткөрүп бергенибиз менен комиссиянын өзү туруксуз болуп жатат. Анткени ага ар кайсы органдын өкүлдөрү киргендиктен бир айда бир же үч айда бир жолугушуп турушат. Ошондуктан комиссияны жоюп, анын ордуна жергиликтүү бийликтин алдында атайын ушул багытты тейлеп турчу түзүм ачышыбыз керек. Ал туруктуу иштеп, балдарды карап жаткандарга тарбия берүү же түшүндүрүү иштери менен алектенишет", - деп толуктады акыйкатчы.

14:56 29-03-2018

Автор: Жамалидин Парманкулов

Жазылуу

РУБРИКАДАГЫ СОҢКУ КАБАРЛАР

13:40 2024-04-19 | Бизнес-Инфо

Elite House үйлөрүндө жашоонун ырахаты 66 0

13:37 2024-04-19 | Коом жана турмуш

Соцфонд кандай документтердин негизинде пенсияларды кармап калат? 96 0

13:06 2024-04-19 | Саясат

ТИМ Оренбургда суу ташкында жабыркаган кыргызстандыктар тууралуу маалымат берди 349 0

13:02 2024-04-19 | Супер-Инфо

Аялдарга карата зомбулукту ачык көрсөткөнү үчүн ызы-чуу салган "Клюква шербети" сериалы 121 0

12:52 2024-04-19 | Коом жана турмуш

Бишкектеги жылуулук түйүндөрүндө гидравликалык сыноолор жүргүзүлөт 100 0

12:45 2024-04-19 | Кылмыштар, кырсыктар

"65 миллион 350 миң сом турат". Оштогу автобекет мамлекетке кайтарылды 534 0

Архив

Комментарийлер (4)

asil-08

2018-03-29 15:50:49

Туура маселени которуптур

Jarma

2018-03-29 16:15:32

asil-08,туура маселени туура маалда которуш керек.

-1

Jarma

2018-03-29 16:14:25

Уффф...ушундай ХХХХХХ дан тажадым.Эл жыргаганынан балдарын таштап талаалап журобу?Маселенин туура жагын которгонду уйрончу.Калкты жумуш менен камсыз кылуу маселесин которуп,ошону чечсенер,эл оздору эле оз жеринде,уй-булосунун жанында тиричилик кылышмак.

Rifle_I

2018-03-30 01:01:21

Элди жумушсуз калтырып, туш тарапка тентиткен жепжутарларды жоопкерчиликке тартыш керек.
Элдин төлөгөн налогунан айлык алып жатышат. Эл шайлаган, элге кызмат кылыш керек оюнда да жокторду Кытайдын карызына өткөрүп бериш керек . Антпесек баткакка толугу менен батат окшойбуз.

Комментарий калтыруу үчүн өз ысымыңыз менен кириңиз же каттоодон өтүңүз.