"КСДПнын курултайына 4 адам келип кирбей калган деген маалымат жалган, бул чагым деп билдиребиз", - деп журналисттерге аталган партиянын катчылыгы билдирди.
Маалым болгондой, Ош облусунан жалпы чакырылган 20 делегат курултайга киргизилген. "Алардын баары кол коюшкан. Партиянын курултайына чакырылган адамдар кирбей калды деген калп”, - дешти катчылыктан.
Айта кетсек, бүгүн, 31-мартта КСДПнын курултайына аймактардан келген бир топ делегат киргизилген жок деп Ош облусунан келген КСДПнын мүчөсү Алишер Бакышев билдирген. Анын айтымында, алар 15тен ашык адамдын тизмеге кирбей калганын негиз кылып курултайга киргизбей коюшкан.