Осмонбек Артыкбаев депутаттарга: "ЖЭБ боюнча күмөн саноо болсо, ТВЕА компаниясына өзүңөр кайрылгыла"

Тектеш кабарлар: Бишкек ЖЭБи чуусунун парламентте көтөрүлүшү (218 материал)

Бишкек Жылуулук электр борборун жаңылоодо өкмөттүн тандоосу менен кытайлык ТВЕА компаниясы ишти арзан бүтүрүүчү эң ыңгайлуу компания деп табылган. Мындай пикирин ТВЕА менен келишим түзүлүп жаткан кездеги энергетика министри Осмонбек Артыкбаев бүгүн, 2-апрелде ЖЭБ боюнча өтүп жаткан депутаттык комиссиянын жыйынында билдирди.

"ЖЭБди жаңылоодо "Электр станциялары" ишканасы 3-4 компаниянын ичинен баасы төмөн, иштешүүгө ыңгайлуу деп ТВЕА компаниясын тандап алган. Дүйнөлүк стандартка салыштырып карап көргөндө, башка компаниялар курган жылуулук борборлорунда 1 киловатт электр энергиясынын баасы 1200-2000 доллардан бааланса, ТВЕАнын сунушунда 1 киловатт 1287 долларга бааланган.

Бул келишим Кыргыз өлкөсү үчүн эң пайдалуу келишим, Кытай өлкөсү бизге жеңилдетилген кредит берди. ТВЕА эл аралык деңгээлдеги компания, эгер кандайдыр бир күмөн санооңор болсо, компанияга кайрылгыла", - деп кайрылды депутаттарга Артыкбаев.

Эске салсак, быйыл 26-январда Бишкек ЖЭБинде авария болуп, шаардагы үйлөргө берилген жылуулук 7 күнгө төмөндөгөн. 386 миллион долларлык ЖЭБдин курулушу, ЖЭБдеги авария, өкмөттүн күз-кыш мезгилине даярдыгын иликтеп чыгуу боюнча парламентте депутаттык комиссия түзүлгөн.

Депутаттык комиссиянын курамына төмөнкүлөр кирет:

"Өнүгүү-Прогресс" фракциясынан Исхак Масалиев;

КСДП фракциясынан Төрөбай Зулпукаров, Данияр Аттокуров, Аида Касымалиева, Улан Примов, Аалы Карашев;

"Бир бол" фракциясынан Мыктыбек Абдылдаев;

"Ата Мекен" фракциясынан Сайдулла Нышанов;

"Республика-Ата Журт" фракциясынан Айбек Алтынбеков, Акылбек Жамангулов, Умбеталы Кыдыралиев;

"Кыргызстан" фракциясынан Исланбек Сарсейитов, Алмазбек Токторов.

16:12 02-04-2018

Автор: Бекболсун Молдояр уулу

Жазылуу

РУБРИКАДАГЫ СОҢКУ КАБАРЛАР

21:37 2024-04-25 | Саясат

Бишкек мэри Айбек Жунушалиев Кытайда иш сапары менен жүрөт 62 0

21:18 2024-04-25 | Саясат

Орусиянын Федералдык жыйынынын делегациясы Бишкектеги Өчпөс отко гүлчамбар койду 134 0

20:36 2024-04-25 | Кылмыштар, кырсыктар

Курулуш компаниясына өтүп кеткен жер салып аткан турак-жайы менен мамлекетке кайтарылды 467 0

19:58 2024-04-25 | Кылмыштар, кырсыктар

Чүйдө BMW`нын айдоочусу окуучуну сүзүп алып, качып кетти (видео) 811 0

19:33 2024-04-25 | Саясат

Жапаров менен Алиев Физули жана Агдам шаарларын өнүктүрүүнүн башкы планы менен таанышты 367 0

18:41 2024-04-25 | Саясат

Ысык-Көл округунан шайланган депутат Максатбек Сарбагышев мандатын тапшырды 1139 0

Архив

Комментарийлер (8)

Дарыгер

2018-04-02 16:28:14

Ушул миллионер кытайдан ХХХХХ ХХХХХХХ Озунун гана кызыкчылыгын ойлогон Адам экен.

plaza85

2018-04-02 16:34:33

Артык кылам деп тыртык кылдынбы Кыргыз элине. Дагы уялбай Кытайдан сурагыла деп койот сени кудай жазаласын.

Dembele84

2018-04-02 16:57:25

Титиреп коркуп отурбай нары же бери кылгылачы,апарып тыккылачы нары катыштыгы барлардын баарын,ар шылтоону угуп отура бербей.

fantomas

2018-04-02 17:12:12

Ушул Артыкбаевди камап, жегенин "кустургула"!!! Коррупциялык келишимди тузгон, ири коррупциялык аферанын уюштуруучуларынын башкы фигуранттарынын бири бул Артыкбаев...

cyrus

2018-04-02 17:13:55

Бири бирине шылтап койуп кутулуп кетишет ко баары мындай журушто

KAYRATBEK

2018-04-02 17:19:47

Эски жетекчилер кетмейинче жанылар эскирип кете турган болушту.

BarsBaatyr

2018-04-02 18:28:04

Догурунуп койгонун кайра.

jbolotov

2018-04-02 20:23:58

Келишимди Артыкбаев тузсо керек, ТВЕАдан башка арзан бутуобуз дегендер болгон экен, мамлекетке ашыкча зыяны учун камаш керек бул акмакты.

Комментарий калтыруу үчүн өз ысымыңыз менен кириңиз же каттоодон өтүңүз.