super.kg logo

Ошто Чыңгыз Айтматовдун 90 жылдыгына арналган "Кино жана өспүрүм" аталышындагы иш-чара болуп өттү

 

Кечээ, 3-апрелде Ош шаарында залкар жазуучу Чыңгыз Айтматовдун 90 жылдыгына арналган "Кино жана өспүрүм" аталышындагы иш-чара болуп өттү. Бул тууралуу SUPER.KG порталына уюштуруучулардын бири Тынчтык Досмуратов билдирди.

Маалым болгондой, иш-чара мектептердеги мугалимдер жана окуучулар тарабынан уюштурулуп, кинематография департаменти тарабынан колдоого алынган.

"Иш-чаранын алкагында Чыңгыз Айтматовдун чыгармаларынын негизинде тартылган тасмаларда роль жараткан актёрлор окуучуларга залкар жазуучу тууралуу өз билгендерин айтып беришти. Тактап айтканда, "Жамийла" тасмасында Сейиттин образын жараткан Нусрет Дубашев, "Ак кеме" фильминдеги Нургазынын образын жараткан Нургазы Сыдыгалиев жана "Бетме-бетте" Ысмайылдын образын жараткан Бусурман Одуракаев тасмага тартылуудагы кызыктуу жана татаал учурларды, Айтматовдун оюн образ аркылуу жеткирүүдөгү өзгөчөлүктөр тууралуу маек куруп беришти", - деди ал.

Ошондой эле иш-чара Ош шаардык билим берүү башкармалыгы тарабынан бекитилген "90 жылдыкка 90 иш-чара" долбоорунун алкагында уюштурулганын кошумчалап өттү.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(1)
04.04.2018. 14:31 
Тайпасы:
Жаран
Комментарийлердин саны:
193
Катталган:
30-12-2017
Соӊку аракети:
09-11-2018 09:05
Жынысы:
Белгисиз
0
Эн жакшы колдойбуз.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
117727;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: