Ноокатта сүйгөнүнүн үйүнө барып, топ балдардын токмогуна кабылган бала окуянын чоо-жайын айтып берди
Ош облусуна караштуу Ноокат районундагы Бостон айылында бир топ балдар тарабынан токмоктолгон Розумухамад SUPER.KG'ге окуянын чоо-жайын айтып берди.
Анын билдиришинче, балдар аны сүйлөшүп жаткан кызына барган учурда тосуп алып себепсиз сабашкан.
"Үйлөнүү максатында кыз издеп жүргөм. Ошол Бостон айылында туугандарыбыз бар эле, алар мага 5-6 кызды көрсөтүп, сүйлөшүп көрүүмдү сунушташты. Алардын бири менен телефон аркылуу сүйлөшүп көрүп, бир жолу жолуккам.
30-март күнү да ал кызга чалсам "Гулистан айыл аймагындагы чоң энемдин үйүнө сиңдим экөөбүздү таштап койчу" деп суранды. Мен да алар барчу жакка бармак болуп жаткам. Макул деп ал кыздын үйүнө жеткени калганымда 5-6 бала мени карап коюп өтүп кетишти. Кыз сиңдиси менен келип унаама отурушкандан кийин айдап кетүүгө камынып жатсам, жанагы балдар алдымдан чыгып тосуп туруп алышты. Андан кийин эмне болгонун түшүндүрбөй туруп эле бири сабай баштады, анын артынан калганы кошо сабап салды. Айла жок, унаанын алдына качып кирип кеттим. Андан кийин ошол жердеги 2-3 бала келип куткарып калышты. Алар болбогондо, балким, майып кылып коюшмак же өлтүрүп салышмак экен.
Окуядан кийин үйгө келип кайра бир досумду ээрчитип барып, алар менен өз алдымча сүйлөшүүгө аракет кылдым, бирок алар макул болушкан жок. Мен алардан "кааласаңар бирден чыккыла, мушташам жана тартып алган видеону өчүргүлө" деген талап койдум. Бирок видеону тартып алган бала Якутияга кетип калып ошол жактан чыгарып салыптыр.
Ал эми угушумча, ошондой эле топ балдар ошол күнү кечинде дагы бир баланы сабап өлтүрүп коюшуптур. Көпчүлүгү "эки бала сабалып, бири каза болуп калыптыр" деп туура эмес айтып жатышат. Каза болгон баланын окуясы менен менин окуямдын байланышы жок. Экөө эки башка окуя", - деди Розумухамад.
Ош ОИИБинин маалыматына ылайык, Розумухамадды сабаганга шектүү катары 6 бала кармалып убактылуу кармоочу жайына камакка алынышкан. Учурда козголгон кылмыш ишинин негизинде тийиштүү иштер аткарылууда.
kriss120, +++ Юдан видеосун коруп келдим, тим эле эч нерсе болбогондой суйлоп жатат. Бул бала токмок жегенин ата энесине да айтпаптыр. Арыз да жазбай эркекчилик кылып, алар мн суйлошуп видеону очуртуройун дедим эле дептир. Качан гана Якутияга кетип калган бала интернетке чыгарганда коомчулука билинди, болбосо билинмек эмес
+17
ekaterinburg
2018-04-09 22:52:51
Эми ушинтип чанырып видеодон чыккандан коро таяк жесем да кум-жам болоюн десе керек да,тынч эле.Любой эле жигитке уят го дейм.Ошого унчукпай журду да.
+2
traveler
2018-04-09 23:06:47
ekaterinburg, Якутиядагы бала видеону жарыялабан күндө да, милицияга берсе, милиция ал видеону жарыяламак беле. Видеодон да өзү берүүнү каалабады да. Эркектерде сөз бар эмесби, таяк жеп милицияга берип койсоң к.т болосун деген. Ошого, анан биздин милициялар да ишти чубап кайра кайра сурак кылып чакырып тажатат. Башын ооруткусу келбеди да.
+2
Mederbek0811
2018-04-09 23:47:45
traveler,бул бала коркуп жатат менин оюмча. Балдар камалып кетсе калгандары мени тынч койбойт оч алышат деп.
+2
taalay25
2018-04-09 23:31:24
[moderated] там айлангыча дегени чын. Жанакы ыйлаганыңа караганда алар менен бир бирден сүйлөшмөк турмай ыштанын да булгап койсоң керек! Калпты да этиятап сүйлөсөң!
Урматуу суперчилер. Мен да бул окуяны туура эмес көрдүм. Жөн эле түштөн кийин баатыр болгону үчүн өз оюмду айттым. Туура түшүнөсүңөр
-3
bond02
2018-04-09 23:54:00
аттары эле укмуш, кандай бакырып ыйлаганын эсинден чыгып калган окшойт, ошол моментте айтпайт белен бирден чыккыла деп.
0
aminali
2018-04-10 02:49:04
Катуу кайгырып жаттым эле тируу экен уххх,чанырып дегендер оозго карап суйлош керек. Ошончо киши урса кыйкырат да жан таттуу билесинер.
+14
aralbek
2018-04-10 11:54:11
aminali,ооба туура айтасын
+3
ekaterinburg
2018-04-10 18:18:40
aminali,чанырып атса чанырып дедим да.Анан кантип айтыш керек?Унун катуу чыгарып десем окшобойт экен.
0
Stervamyn
2018-04-10 09:09:21
Мен да кайгырдым эле бул балага!жаш кетти деп.
+1
Jelezo
2018-04-10 09:26:24
Кармалгандары мыйзам чегинде жазалаш керек биздикилер жарашып алышты деп тыйынын алып бошотуп жиберчүү эле
+1
nurik903
2018-04-10 10:45:43
Бир ушундай талпада калып корсонор билесинеп кантип чанырганды бул жерде кыйын болуп арнерсени айта бербей.
+5
aralbek
2018-04-10 11:53:42
nurik903,эн туура айттын
+1
Комментарий калтыруу үчүн өз ысымыңыз менен кириңиз же каттоодон өтүңүз.
