Бүгүн, 27-апрелде борбор калаадагы "Аккула" ат майданында Бишкек шаарынын 140 жылдыгына арналган көк бөрү боюнча мелдеште 3-орун үчүн беттеш орун алат.
Анда жарым финалдык баскычта атаандаштарынан жеңилип калган бишкектик "Арашан" менен Оштун "Көлдүк" командасы кездешет.
Эске салсак, жарым финалда бишкектик "Арашан" командасы Чүйдүн "Сары-Өзөн" командасынан 6:2 эсебинде жеңилип калса, Оштун "Көлдүк" командасы "Бакубат-Талас" командасынан 7:0 эсебинде утулган.
Мелдештин финалы эртең, 28-апрелде орун алып, анда "Сары-Өзөн" менен "Бакубат-Талас" командалары беттешет.