super.kg logo

10 жылдан бери майыптар арабасында отурган Бекназар: "Жыл өткөн сайын максаттарым менден алыстап бараткандай"

 

Сузак районунун Карамарт айылынын 24 жаштагы тургуну Бекназар Орозалиевге дарыгерлер булчуңдардын дистрофиясы (мышечная дистрофия) деген диагноз коюшкан. 2-топтогу майып Бекназар "басып кетсем белгилүү ырчы болот элем" дейт.

"Жакшылап дарылансам эле айыгып кетем, жок дегенде оорум жеңилдеп калмак", - деген Бекназар дарты тууралуу: "6 жашымда үйдүн чатырынан кулап кеткем. Эч жерим оорубагандыктан ата-энеме деле айткан эмес болчумун. Ошондо омурткамды кокустатып алган окшойм. 3-4 жылдан кийин белим талып ооручу болду. Мектепке сумкамды асынып баргыча белим уюп, баса албай жыгыла берчүмүн.

5-классымда баскандан, оор сумкамды көтөргөндөн кыйналгандыктан окуумду таштап салдым. Жыл өткөн сайын дартым күчөй берди. Дарыгерлерге кайрылганда булчуңдардын дистрофиясы менен ооруйт экенсиң дешти. Бул генетикалык оору экен, чатырдан кулаганым ооруну козгоду деп ойлойм. Аталган дарт менен алышкандар акырындан жүрүп отуруп организми кыймылсыз болуп майыпка айланышат. Негизи мен кичинемде жакшынакай эле чуркап жүрчүмүн, бул оору мени кийинчерээк тооруду. Дарыгерлер менин оорумду билгенде апама "адам болбойт, 35 жашка чейин эле жашайт" деп ооруканадан чыгарып коюшуптур. Алар айыкпайт деп кайдыгер мамиле кылып коюшкан, жакшылап дарыласа басып кетет болчум. Быйыл майыптардын арабасы менен жүргөнүмө 10 жыл болду", - дейт.

Бекназардын ата-энеси ал кичине кезинде ажырашып кетишкен. Учурда атасы аны менен кабарлашпай турганын билдирди.

"Атам сенин баспай калганыңа апаң күнөөлүү деп айтат. Бирок үйдө апам менен иним менин жалгыз багуучум. Дааратканага өзүм отура албайм, апам мени көтөрө берип чарчап алы келбей калган. Азыр иним жардам берет. Айылда шарт жок болуп, тез-тез ооруй бергендиктен мени шаарга жиберишкен. Жалал-Абад шаарында эжемдин үйүндө таенем экөөбүз жашайбыз. Тайенем да майып, жакшы сүйлөй албайт, бирок мени киринтет, тамак жасап берет", - деди Орозалиев.

Майыптыгы үчүн айына 3 миң сом алган Бекназар мамлекет берген акча анын дары-дармегине эле кетерин айтат. Мындан сырткары, негизинен үйдө жалгыз болгондуктан ичиндеги бугун чыгаруу үчүн ыр жазып турарын кошумчалады.

"Кээде бук болгондо ыр жазам, шаардык, облустук сынактарга катышып ырдап жүргөн учурларым болду. Бирок акыркы күндөрү мен үчүн жашоонун кызыгы кетип баратат, ыр жазгым да келбей калды. Кудай буюруп басып кетсем, Бегиш, Баястан менен дуэт аткарам деп тилек кылчумун. Азыр ал максаттар тээ алыста ишке ашпаган кыялдардай эле сезилип баратат. Кээде тааныштарым тойдо тартылган видеолорун мага монтаждатып кетишет. Анткени үйдө бекер отурбайын деп физикалык күчтү талап кылбаган көп эле жумуштарды өздөштүргөнгө аракет кылдым", - дейт Бекназар.

Бекназар Орозалиев менен байланышуу номери: 0773 15 79 82 , 0707 12 26 76.


кошулду


 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(5)
30.04.2018. 18:04 
Тайпасы:
Жаран
Комментарийлердин саны:
30
Катталган:
03-08-2013
Соӊку аракети:
25-09-2018 11:22
Жынысы:
Белгисиз
+10
Сабыр кылыныз, айыгып жакшы болуп кетин
30.04.2018. 18:11 
Тайпасы:
Жаран
Комментарийлердин саны:
272
Катталган:
23-12-2017
Соӊку аракети:
19-09-2018 16:25
Жынысы:
Белгисиз
+4
Оорунун ою онго бөлүнөт. Оорунун оюна эмне келип, эмне кетпей. үмүт адам менен жашайт.
30.04.2018. 18:22 
Тайпасы:
Жаран
Комментарийлердин саны:
104
Катталган:
27-01-2014
Соӊку аракети:
29-06-2018 17:10
Жынысы:
Белгисиз
+4
Жардам берип,кабар алып,элдин жеткирип жургон Азамат бул баланыда караштырып койсон ;колубуздан келишинче жардам берели.
30.04.2018. 19:10 
Тайпасы:
Жаран
Комментарийлердин саны:
89
Катталган:
27-08-2016
Соӊку аракети:
24-09-2018 15:25
Жынысы:
Белгисиз
+5
Бегиш,Баястан менен дует ырдагысы келсе Супер инфо уюштуруп берсе мумкун алдыга умтулууга жардам береттир. Жапжаш туруп ушундай ооруга чалдыкканы өкүндүрөт...
01.05.2018. 00:06 
Тайпасы:
Жаран
Комментарийлердин саны:
45
Катталган:
13-05-2016
Соӊку аракети:
06-06-2018 22:44
Жынысы:
Белгисиз
Калаасы:
Кооз жер
0
Айыгып кет.Аллах шыпаа берсин!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114638;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: