super.kg logo

Рак илдетинен улам бир көзүнөн, жаагынан, эрининен жана мурдунун бир бөлүгүнөн ажыраган Баатыр Баназаровдун бүгүнкү абалы

 

Рак илдетинен улам бир көзүнөн, бир жак жаагынан, эрининен жана мурдунун бир бөлүгүнөн ажыраган Баатыр Баназаров учурда Жалал-Абадда химиялык терапиядан өтүүдө. Бул тууралуу SUPER.KG порталына Баназаровдун дарылануусун колго алган дарыгер Азамат Кошалиев маалымдады.

Анын айтымында, Баназаров Жалал-Абадда дарылануусун июнь айына чейин улантып, кийин кайра Бишкекке келет.

"Келгенден кийин кайрадан толук текшерүүлөрдөн өткөрөбүз. Эгер анализдери жакшы чыкса, анда пластикалык операция жасоо керек. Учурда мен хирургдар менен операция жасаса болобу деген маселе боюнча сүйлөшүп жатам. Буга чейин топтолгон акчадан азыраак калган эле, ошол каражатка химиялык дарылоого керек болгон дары-дармегин айына 2 жолу жөнөтүп турам. Мындан тышкары алдыда тапшыра турган анализдерине, пластикалык операциясына акча керек деп көптөгөн ишкерлерге кайрылып жатам. Тилекке каршы, азырынча жакшы жооп боло элек. Бирок үмүт үзбөйбүз, Баатыр ага менен апасынын көңүлүн чөктүрбөйүн деп азырынча жардам колун сунгандар дээрлик жок болуп жатканын айткан жокмун", - деди Кошалиев.

Ошондой эле дарыгер Бишкектеги хирургдар пластикалык операция жасай алабы же жокпу азырынча белгисиз экенин айтты. Мындан тышкары ал Баатыр Баназаров менен Индияда чогуу өткөргөн күндөргө токтоло кетти.

"Баатыр ага атына заты жарашкан чынында баатыр жигит экен. Канчалык жаны ооруп турса да сыртка чыгарбоого аракет кылат. Анын денеси гана эмес, көңүлү да ооруп жүрөт, моралдык жактан абдан оор экенин Индияда айтып отурду. "Мен да эл катары өзүм иштегим келет, үйлөнүп, үй-бүлө күткүм келет" деген тилектерин билдирип, кучакташып алып ыйлаган күндөрүбүз болду. Мен анын ой-максаттарына жетүүсүн каалайм, эгер боорукер адамдардан дагы каражат топтолуп калса жараткандын ыраазычылыгы үчүн кайра эле чет өлкөгө алып барып келмекмин", - деди ал.

Ал эми бейтаптын апасы Саткын Баназарова учурда уулун өзү карап жатканын, абалында мурдагыга караганда бир топ өзгөрүүлөр бар экенин айтты.

"Чынында жаагы жакшы эле болуп калды, рак клеткаларын тоңдурган экен, мурункудай оору жок. Дарыгер 1 жумада 2 жолу чалып, абалын сурап, дарылоо ыкмаларын айтып турат. Өзү да Индияга барып келгенине кубанып калды. Болгону кулагынын артынан кан акканы токтобой кыйнап жатат. Кулагынын артынан кан акканда табити да жоголуп, түнү да уктай албай чыгат. Эми жакында Бишкекке барсак муну да Азамат карайт чыгар", - деди Баназарова.

Жардам көрсөтүүнү каалагандар үчүн Баатыр Баназаровдун апасы Саткын Баназарованын байланыш номери: 0773 679 822, дарыгер Азамат Кошалиевдин байланыш номери: 0700-106-047.

Буга чейин маалымдалгандай, Баатыр Баназаров 12 жылдан бери рак илдети менен алышып келген.


кошулду


 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(9)
16.05.2018. 13:58 
Тайпасы:
Жаран
Комментарийлердин саны:
228
Катталган:
12-08-2016
Соӊку аракети:
23-09-2018 22:12
Жынысы:
Белгисиз
Калаасы:
Аксы,Ак-Суу,Төө-Басты(Барселона) Камп Ноу)
+42
Аллахым шыпаасын берсин,айыгып кетиңиз Баатыр байке.
16.05.2018. 15:20 
Тайпасы:
Жаран
Комментарийлердин саны:
603
Катталган:
24-12-2015
Соӊку аракети:
19-09-2018 00:19
Жынысы:
Белгисиз
+24
Азамат ишинерди Алла колдоп шыпаа берсин.
16.05.2018. 18:22 
Тайпасы:
Жаран
Комментарийлердин саны:
860
Катталган:
14-11-2015
Соӊку аракети:
23-09-2018 19:20
Жынысы:
Белгисиз
+17
Кудайым колдоп боорукер инсандардан акса чогулуп калгыдай эле...
16.05.2018. 19:34 
Тайпасы:
Жаран
Комментарийлердин саны:
91
Катталган:
26-04-2017
Соӊку аракети:
27-08-2018 16:03
Жынысы:
Белгисиз
+13
Шыпасын берсин омин
16.05.2018. 22:08 
Тайпасы:
Жаран
Комментарийлердин саны:
166
Катталган:
17-07-2017
Соӊку аракети:
23-09-2018 14:20
Жынысы:
Белгисиз
+12
Алла шыпаасын берсин колуңардан келгендер жардамыңарды аябагыла алдыда мына ыйык Рамазан айы турат сооп иштерди жасайлы
17.05.2018. 02:09 
Тайпасы:
Жаран
Комментарийлердин саны:
90
Катталган:
15-03-2017
Соӊку аракети:
23-09-2018 15:25
Жынысы:
Белгисиз
+9
Ооо Аллахым озун боорукерсин. Баардык мактоолор сага болсун. Ылаайым озун шыпаа бер. Аллах
17.05.2018. 13:52 
Тайпасы:
Жаран
Комментарийлердин саны:
26
Катталган:
07-11-2017
Соӊку аракети:
23-09-2018 12:07
Жынысы:
Белгисиз
+1
Кыргызстанда канчалаган чириген байлар бар ошолордон жардам болуп калар, ушундай муктаждарга эмне учун государство жардам бербейт
18.05.2018. 16:02 
Тайпасы:
Жаран
Комментарийлердин саны:
1
Катталган:
10-10-2017
Соӊку аракети:
22-05-2018 17:20
Жынысы:
Белгисиз
0
Аллага аманат!
22.05.2018. 03:30 
Тайпасы:
Жаран
Комментарийлердин саны:
146
Катталган:
25-03-2015
Соӊку аракети:
23-09-2018 16:55
Жынысы:
Белгисиз
Калаасы:
Кара-балта.
0
Баатыр байке жакшы болуп эл катары үйлөнүп ,бала күтүп бактылуу узак өмүрдө жашарынызды жараткандан чын дилимден сурайм.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114548;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: