Кубанычбек Кулматов камакка алынганын УКМК төгүнгө чыгарды

Тектеш кабарлар: Кубанычбек Кулматовго каршы кылмыш иши козголду (65 материал)

Бажы кызматынын мурдагы башчысы Кубанычбек Кулматов тергөө аяктаганга чейин камакка алынганы төгүндөлдү.

Эске салсак, буга чейин Кулматовдун тергөө аяктаганга чейин камакка алынганын SUPER.KG порталына өздүк булактар билдиришкен. Ал бүгүн, 21-майда саат 10до УКМКга суракка кирип кеткен.

УКМКнын басма сөз катчысы Рахат Сулайманов бул маалыматты четке какты. Ошондой эле учурда Кулматовдун сурак берип жатканы кошумчаланды.

Кубанычбек Кулматовго 18-май күнү "коррупция" беренесинин негизинде кылмыш иши козголуп, айыбы бүгүн, 21-майда угузулган. 19-майда Кулматовдун үйүнө тинтүү жүргүзүлгөн.

Кулматов 2014-жылы Бишкек шаарынын мэри болуп турган кезде Калыс-Ордо конушундагы мектеп жана бала бакчага бөлүнгөн акчаны мыйзамсыз колдонгон деп айыпталууда.