Түркмөн полициясы дааратканалардан президенттин сүрөтү бар гезиттерди издөөдө

Түркмөнстандын Гумдаг аймагынын тартип сакчылары бийликтен өзгөчө тапшырма алышты. Алар жергиликтүү тургундардын дааратканаларын текшерип, ал жакта түркмөн президентинин сүрөтү басылган гезиттер барбы, жокпу ошону аныктай турган болушту. Бул тууралуу чет элдик басылмалар жазып чыгышты.

Маалыматта полиция ар бир даараткананы тыкыр текшерип жүргөнү айтылат. Эгер дааратканадагы гезиттерде президенттин сүрөтү болсо, анда үй кожоюну менен профилактикалык баарлашуу өткөрүлүп, президенттин сүрөтү бар гезитти даарат кагаз катары колдонууга болбой туурганы түшүндүрүлөт. Ошондой эле үй ээлерине расмий түрдө эскертүү берилет.

Басылманын жазганына карганда, Түркмөнстанда ар бир адамды мамлекеттик гезитке жазылууга мажбурлашат. Ошол себептен тургундарынын көпчүлүгү күн сайын мындай эскертүү алышы мүмкүн. Анткени айрым үй-бүлөлөр каражаттын тартыштыгынан улам даарат кагазга акча сарпташпайт.

Жергиликтүү тургундар болсо президент Гурбангулы Бердимухамедовдун сүрөтү бир гезитте эң аз дегенде 2-3 ирет кездешерин айтышып, бул тапшырмага таң калышкан.

Учурда даараткананы тинтүү иштери улантылып жатат. Жергиликтүү полиция таштанды салган үкөктөрдү да текшерип, ал жактан да президенттин сүрөтү бар гезиттер изделип жатканы айтылат.

Айрым маалымат булактардын жазганына караганда, мындай текшерүү биринчи жолу болуп жаткан жок. Буга чейин Дашогуз облусунун Гороглу аймагындагы мектептердин бириндеги дааратканадан президенттин сүрөтү бар гезит табылып, мындан улам мектеп директору жумуштан бошотулган.

19:26 23-05-2018

Автор: Сталбек Абдижалил уулу

Жазылуу

РУБРИКАДАГЫ СОҢКУ КАБАРЛАР

22:00 2024-04-23 | Саясат

Акылбек Жапаров Орусиянын Ленинград облусунун губернаторун кабыл алды 477 0

21:29 2024-04-23 | Саясат

Бишкек мэри коомдук транспорттон күнүнө канча акча түшөрүн айтты 1206 0

20:57 2024-04-23 | Кылмыштар, кырсыктар

"145 миң долларга алдап кеткен". Бишкекте iPhone үлгүсүндөгү телефондорду алып, из жашырып кеткен жаран кармалды 953 0

20:14 2024-04-23 | Саясат

Кыргызстан менен Монголиянын парламенттери ортосундагы Кызматташуу боюнча комиссиянын регламентине кол коюлду 356 0

19:49 2024-04-23 | Бизнес-Инфо

“Миллиондор оюну” акциясынын алкагында жаңы миллионерлер жана жеңүүчүлөр аныкталды 831 0

19:01 2024-04-23 | Саясат

ЕАЭБде бир катар бажы алымдарына нөлдүк ставканын мөөнөтү узартылды 464 0

Архив

Комментарийлер (15)

Dalil

2018-05-23 19:34:12

Президентин кудайга теңеп алышыптырда түркмөндөр. Дааратканага сүрөтү барбасын десе анда сүрөтүн чыгарбасын. Ансыз да тажап кетсе керек сүрөтүн көрө берип түркмөндөр.

+12

Daak9091

2018-05-23 19:43:52

Биздики бумага чыгарып журду беле

stimyl.kg

2018-05-23 19:46:49

Карапайым калкты баш көтөртпөй басынтып аркайсы шылтоо менен элин кыйнаган президентин абдан эле кудай уруптур.

aman0296

2018-05-23 20:01:47

Ушул туркменстан турмодон кем эмес. Тен укуктуулук деген жок

+12

Parish

2018-05-23 20:44:16

Зато жашоо алардыкы зынк газ,свет туз дегендер бекер.Азыр бизде дааратканага эч ким газета колдонушпайт да .

-10

Djumahmatov

2018-05-23 20:52:40

Parish,Алардын мамлекетти бай болгону менен, Эли жакыр жашашат. Биздин мамлекет жакыр болгону менен, эл бай жашашат. Бир туркмон менен баарлашып калдым эле ошол айтды бекер газ, салярка, бензин болгону менен машина болбосо аны эмне кыласын деп айткан эле

dair_17

2018-05-23 20:53:10

Parish,Куудулдар айтканды айтпагын

-3

Nursultan.92

2018-05-23 21:05:45

Биздин президент туалетке кирип даарат кагаз тапай калса өзүнүн сүрөтү бар гезит алып кирсе керек

Azatbek.Svoboda.

2018-05-23 21:59:17

Nursultan.92,Сенин президентиңин сөзү менен иши ажыраша баштаган окшойт! Качан бизге жакшы эл башчы келет экен!

Zainidin96

2018-05-23 21:22:46

Жийиркеничтуу го кантип арчылган кагаздарды текшеришет гезит колдонгондор орттоп жатышса керек Кабарды угуп

Fakt

2018-05-23 22:15:44

Гурбангулунун бетине суртулгонун таап алышса не кылат экендер. Шеф мынакей ушул уйдон ушунча суртулгонунон таптык дешип отчет беришеби....

lunaTik1

2018-05-23 22:39:49

Fakt,

Ха хааа хаааааа элестетип жыргап калдым

taku1414

2018-05-23 22:34:09

Туркмондордун кылыгы боорду эзет го. Эми милициялары иш кылбай эле даарат кагаздарды антарып журушобу.

lunaTik1

2018-05-23 22:44:29

Президенти ото эле чектен ашып кетип атат, элине сабыр берсин эми.

Жараткан дуйнодогу баардык падыша, президенттерге инсапты, ыйманды, акылды ченебей эле берсин. А биздин президент жети атасына жана озунон кийинки жети урпагына РАХМАТ алып келген АДАМ болсун. Кудайым жаман адардардын баарын жакшы кылып озгортуп койсун, эрте менен туруп эле жакшы иштерди баштап калышсын баары. Орозодо кылган тилегим кабыл болсун. Омиииииин

Bazana

2018-05-24 00:57:57

Обу жок башчы болду, жазыраак машинелерди ак туско боетту беле жалпы турдо.

-1

Комментарий калтыруу үчүн өз ысымыңыз менен кириңиз же каттоодон өтүңүз.