super.kg logo

Режиссёр Аскар Нуракун уулунун "Киноман" тасмасы Германияда өтө турган эл аралык фестивалга катышат

 

Аскар Нуракун уулу режиссёрлук кылган "Киноман" кыска метраждуу тасмасы эл аралык балдар "Mo&Friese" сынагына катышат. Бул тууралуу продюсер Чолпон Идирисова билдирди.

Маалыматка ылайык, аталган сынак Германиянын Гамбург шаарында 3-июндан 10-июнга чейин өткөрүлөт. Ал эми "Киноман" тасмасы "Айтыш фильм" жана Кыргыз-Түрк "Манас" университетинин студенти менен биргеликте тартылган. Тасмада Атай Наамат уулу, Улан Жукенов, Турсун Мамыралиев жана башкалар роль жараткан.

Белгилей кетсек, режиссёр Аскар Нуракун уулунун "Киноман" тасмасы Польшанын Краков шаарында өткөн "Etiuda&Anima" студенттик тасмалардын эл аралык кинофестивалында "Киного болгон сүйүүнү сөз жок чагылдырып берген эң мыкты окуя" деген калыстар тобунун ардактуу дипломуна ээ болгон. Ошондой эле Швецияда өткөн балдар жана жаштар киносунун фестивалына катышкан. Ал эми Түркиянын Кайсери шаарында өткөн фестивалда "Калыстардын атайын белегине" ээ болсо, Грузияда өткөн сынакта биринчи орунду багындырган.

Кинофорум 1998-жылы негизделип, 4 жаштан 14 жашка чейинки балдарга жана жаштарга арналган тасмаларга сынак жарыялап келет.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
117460;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: