super.kg logo

"#Бурулайбиздикечир..." хэштеги менен интернет колдонуучулар милиция бөлүмүндө бычакталган кыздын өлүмүнө бийлик көңүл бурбай жатканын билдиришүүдө

 

27-май күнү 30 жаштагы Марс Бөдөшев 20 жаштагы Бурулай Турдали кызын үй-бүлө куруу максатында ала качып бара жатып, Жайыл РИИБи тарабынан кармалган. Андан соң милиция бөлүмүнө жеткирилген. Ал жерден жигит кызга, андан кийин өзүнө бычак сайып, оор абалда экөө тең ооруканага түшкөн. Кыз алган жаракатынан улам көз жумган.

Бул окуяга байланыштуу коомчулук милиция кызматкерлеринин жумушуна болгон шалаакылыгына нааразычылыгын билдиришүүдө. Анткени Жайыл районундагы кылмыш ишинин келип чыгышына алардын күнөөсү бар дешет алар. Учурда социалдык тармактын колдонуучулары кыз ала качууга жана укук коргоо органдарынын жоопкерчиликсиздигине ачууланган билдирүүлөрдү жазышууда. Ошондой эле колдонуучулар бул окуяга бийликтин көңүл бурбаганына нааразы экенин жазышууда.

Алсак, Нурсултан Акылбек аттуу Facebook тармагынын колдонуучусу өзүнүн баракчасы аркылуу “Кечир бизди, Бурулай” деген темада кайрылуу кат жарыялаган. Анын билдирүүсүн 500дөн ашык колдонуучу бөлүшүп, көптөгөн нааразычылык пикирлер жазылган.

Нурсултан Акылбек: "Мамлекеттик имараттын ичинде жаш кыздын мыкаачылык менен өлтүрүлгөндүгүнөн улам биздин милициянын кесипкөйлүгүнүн өтө эле төмөн экендигине күбө болдук.

Өткөн аптада биздин өлкө бүткүл дүйнөгө жаш сулуу кыздын жөн гана уурдалышы менен эмес, уурдалган кыздын укугун коргоого милдетүү болгон мекеменин ичинде өлтүрүлгөндүгү менен “даңкталды”.

Адам өмүрүнүн баалуулугун эки мисал менен салыштырып көрөлү. Грузияда өлтүрүлгөн жаш өспүрүмдүн атасы прокурорлордон уулун өлтүргөндөрдү табууну талап кылды жана коомду бул талапка тилектеш болууга чакырды. Мындан улам чоң шаарларда миңдеген адамдардын катышуусу менен нааразычылык митингдери болуп өттү. Чогулгандар башкы прокурордун жана премьер-министрдин кызматтан кетишин талап кылышты.

Бизде болсо өлтүрүлгөн жаш кыздын окуясына ири эл аралык уюмдар менен жергиликтүү маалымат каражаттары реакция жасаганына карабай бийлик башындагылар үн катпай турушат.

Болгону алар 15 милиция кызматкерине чара көрүлөрүн же жумуштан алынарын билдиришкен".

Алгач моюндоо керек, кыз ала качуу – бул жапайычылык. Ал эми буга байланыштуу мыкаачылык менен киши өлтүрүү – өтө оор кылмыш.

Чукул чара көрүлүшү керек. Балким иштеп жаткан мыйзамды күчөтүп, аны кыздардын укуктарын чынында коргой турган, “Бурулай мыйзамы” деп атап, кыз ала качкандарды катуу жазага тартуу туура".

Жаңы дайындалган өкмөт баарыбыз көрүп тургандай кызмат орундарды алмаштыруу менен гана алек болууда. Сиздерге бул кыздын өлүмү өкүнүчтүү эмеспи?" - деген ал өзүнүн кайрылуусунда.

Мындан тышкары көптөгөн колдонуучулар Бурулайды өлүмгө алып келген маселеге жетиштүү деңгээлде көңүл бурулбай жаткандыгы үчүн #Бурулайбиздикечир хэштеги менен андан кечирим суроону улантышууда.

Эске салсак, 27-майда 29 жаштагы жигиттин кызды ала качып бара жаткандыгы боюнча Биринчи Май РИИБине кабар келип түшкөн. Мындан көп узабай Сосновка айылындагы посттон Чүй ОИИББинин кызматкерлери Subaru Outback үлгүсүндөгү унааны токтотушуп, 29 жаштагы жигиттин 20 жаштагы кызды үй-бүлө куруу максатында ала качып бара жатканын аныктап, Жайыл РИИБине жеткиришкен. Кыз алган жаракатынан улам көз жумган. Ал эми жигиттин кесиптештери анын ичимдик ичпеген, ишине так бала экенин билдиришкен. Бул окуя боюнча Жайыл райондук прокуратурасы Кылмыш-жаза кодексинин 316-беренеси (шалаакылык) боюнча Жайыл РИИБинин кызматкерлерине кылмыш ишин козгогон.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 4 
Комментарийлер(10)
04.06.2018. 12:34 
Тайпасы:
Жаран
Комментарийлердин саны:
57
Катталган:
11-04-2016
Соӊку аракети:
22-06-2018 13:38
Жынысы:
Белгисиз
+2
Биздин полицияга закон жок же иштен алат же согуш берет бутту
04.06.2018. 12:41 
Тайпасы:
Жаран
Комментарийлердин саны:
33
Катталган:
29-06-2016
Соӊку аракети:
14-11-2018 12:46
Жынысы:
Белгисиз
+8
Албетте ото окунучтуу окуя болду,баланы жоготуу ата эне учун орду толгуз туболук кайгы байкуш ата эне омурун мун зар менен откорот. Баланын ата энесине да кыйын болду алар деле туруулой ажырап ар кимден ар кандай ызаалуу соз угуп тируунун олугуно айланышат. Баланын мындан аркы жашоосу бул дуйнонун тозогуна айланат кан кантип тынч жашоо берсин. Шайтанга азгырылып озуно жана онголорго азап берди. АЛЛАХЫМ адашкандан сактап туура жолуна салагор,баардык мусулман пенделерине бактылуу жашоону насип эт!
04.06.2018. 12:43 
Тайпасы:
Жаран
Комментарийлердин саны:
1369
Катталган:
11-01-2017
Соӊку аракети:
14-11-2018 00:03
Жынысы:
Белгисиз
0
Милицияны туп орду менен жок кылыш керек, эн начар иштейт бизде.
04.06.2018. 13:04 
Тайпасы:
Жаран
Комментарийлердин саны:
283
Катталган:
20-12-2017
Соӊку аракети:
11-11-2018 12:54
Жынысы:
Белгисиз
+1
Жапайчылык карангылык замандан кутулуу керек.
04.06.2018. 13:06 
Тайпасы:
Жаран
Комментарийлердин саны:
193
Катталган:
30-12-2017
Соӊку аракети:
09-11-2018 09:05
Жынысы:
Белгисиз
+2
Жараткан Тенирибиз ушундай жаман иштерден озу сактасын.
04.06.2018. 13:08 
Тайпасы:
Жаран
Комментарийлердин саны:
263
Катталган:
24-09-2015
Соӊку аракети:
11-11-2018 06:24
Жынысы:
Белгисиз
+2
Кундордун биринде чеке айылда айланып жургон шайтан бир нерсени коруп токтоп калды. Алыста бир келин торпогун байлап коюп уй саап олтурган экен. Торпок энесин эмгиси келип тартылып атыптыр. Шайтан акырын барып, торпоктун жибин бираз бошотуп койду, торпок тартылып жиби чечилип чуркаган бойдон энесине шашты. Уй саап олтурган келинди туртуп эмип баштаганда, чакадагы сут тогулуп жер менен бир болду. Келиндин жини келип , наракта турган таяк менен торпокту урду, торпок жерге жыгылды, уй баласына боор
04.06.2018. 13:10 
Тайпасы:
Жаран
Комментарийлердин саны:
263
Катталган:
24-09-2015
Соӊку аракети:
11-11-2018 06:24
Жынысы:
Белгисиз
0
Ошон учун сабр кылышыбыз керек шайтан айтты ала качсан эле сеники болот деп а бирок аягы кандай окунуччтуу болуп аяктады
04.06.2018. 13:22 
Тайпасы:
Жаран
Комментарийлердин саны:
87
Катталган:
06-11-2008
Соӊку аракети:
14-11-2018 13:42
Жынысы:
Белгисиз
Калаасы:
Бишкек
+2
Кызды өлтүргөн таластык бала жазаланыш керек
04.06.2018. 14:30 
Тайпасы:
Жаран
Комментарийлердин саны:
282
Катталган:
17-09-2010
Соӊку аракети:
11-11-2018 23:56
Жынысы:
Белгисиз
Калаасы:
Бишкек-Ankara
0
sabirdinovich, озун да бычактап оорукана депатты элего
04.06.2018. 15:18 
Тайпасы:
Жаран
Комментарийлердин саны:
69
Катталган:
15-08-2016
Соӊку аракети:
14-11-2018 13:51
Жынысы:
Белгисиз
+3
Милиция дегенге да тилин барбайт, буларга акча болсо болду калганы кызыксыз.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
117550;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: