Эртең Бишкектин борбордук аянтында 5 миңдей жаштардын катышуусунда кыз ала качууга каршы флешмоб өтөт

Эртең, 6-июнда саат 10:00дө Бишкек шаарынын борбордук аянтында "Биз, жаштар - кыз ала качууга жана эрте турмуш курууга каршыбыз" деген аталыштагы флешмоб болот. Бул тууралуу маалыматты Кыргыз Республикасынын Билим берүү жана илим министрлигинен кабарлашты.

Маалыматка ылайык, аталган иш-чара "Enactus-Кыргыз өлкөсү" уюму тарабынан Билим берүү жана илим министрлиги менен Жаштар иштери, дене тарбия жана спорт мамлекеттик агенттигинин колдоосу менен уюштурулууда. Флешмобдун максаты - жаштардын кыз ала качууга жана эрте турмуш курууга каршы экенин билдирүү. Иш-чарага катышкан колледж, жогорку окуу жайлардын студенттери коомчулукка, ата-энелерге кайрылып, кыз ала качууга тыюу салууга жана кыздарды кыйнап эрте турмушка бербөөгө чакырышат.

"Флешмобдун катышуучулары эстафетаны башка облустардагы студенттерге өткөрүп беришет. Ошондой эле борбор калаадагы бардык тургундарды алардын катарына кошулууга чакырат. Борбордук аянтка топтолгон жаштар биргеликте "Кыз ала качууну жана эрте жаш куракта никелешүүнү токтот" деп айтышат. Бул маселелерге кайдыгер карабаган 5 миң студенттин флешмобго келиши күтүлүп жатат", - деп жазылат маалыматта.

жаңыланды 23:50 05-06-2018
кошулду 21:31 05-06-2018

Автор: Кызжибек Раимова

Жазылуу

РУБРИКАДАГЫ СОҢКУ КАБАРЛАР

13:52 2024-04-24 | Кылмыштар, кырсыктар

Оштун борборундагы 4 кабаттуу үй жер тилкеси менен мамлекетке кайтарылды 59 0

13:34 2024-04-24 | Саясат

Садыр Жапаров Курманкул Зулушев менен Мелис Тургунбаевге сөгүш жарыялады 326 0

13:11 2024-04-24 | Коом жана турмуш

Өлкөдө 1-майдан тартып электр энергиясына болгон тарифтер жогорулайт 245 0

13:00 2024-04-24 | Түркүн дүйнө

Казакстанда аскерге кеткен уулун 28 жыл күткөн эне акыры жолукту (видео) 1061 0

12:43 2024-04-24 | Коом жана турмуш

Эртең Бишкектин бир бөлүгүндө суу берилбейт 171 0

12:17 2024-04-24 | Саясат

Депутаттар ӨКМнын Жогорку Кеңеште маалымат беришин талап кылды 246 0

Архив

Комментарийлер (4)

jbolotov

2018-06-05 16:22:34

Мекенди сатбагыла, жер кен байлыктарды сатбагыла деп чыкбайсынарбы башка койгой жок болгонсуп.

meku89

2018-06-05 17:11:13

jbolotov,эмне кыз ала качуу койгой эмеспи. Канчалаган жаш кыздардын тагдыры талкаланып жатат. Туура чыгышсын. Колдойбуз. А элди жерди сатпагыла деп студенттер эмес башкалар да ойлонсун.

jbolotov

2018-06-05 20:17:18

meku89, Сен ойлогон проблема бул проблема эмес, улуттук коопсуздука доо кетирген,мекенибизди жоюп салуучу иштер болуп атат, карыз кылуу, кен байлыктарды чет элдиктер алуу деген, сенин кыз алакачуун проблема эмес ал болсода болбосода мамлекетке коркунуч туулбайт

Djumahmatov

2018-06-05 22:11:52

Бурулайдын окуясы, Кыргыз жаралгалы бери биринчи жолу ушул окуя катталып жатат.
Кимди жана качан уктунар эле, ала качып барып олтуруп салыптыр деп? Чек ара маселесин, кытайга берилген жер,карызга алынган акчалар жана толтура койгойлор бар, ошолоду которуп чыгышпайбы?

Комментарий калтыруу үчүн өз ысымыңыз менен кириңиз же каттоодон өтүңүз.