"Ак жүрөк" кризистик борбору: "Күйөөсү аялын колго тийген бардык буюм менен сабаган"

Өлкөнүн түштүк аймагы боюнча турмуштун оор кырдаалына кабылган кыз-келиндерди камкордукка алган "Ак жүрөк" кризистик борборунун негиздөөчүсү Дарика Асилбекова социалдык тармакка сабалган аялдын денесинин сүрөттөрүн жарыялады.

Анда денесинин таза жери дээрлик калбай, көк ала так менен жаткан аялдын сүрөтү кызуу талкууланууда. Асилбекова аны күйөөсү сабаганын билдирген. SUPER.KG порталы "Ак жүрөк" борборуна байланышып, Дарика Асилбековадан окуянын чоо-жайын укту.

Анын айтымында, азырынча сабалган келин маалымат берүүдөн баш тартып жатат.

Дарика Асилбекова "Анын өзүнүн каалоосу менен биз аты-жөнүн, кайдан келгенин жарыялабайбыз. Келиндин абалы оор, медициналык жардам алып жатат. Мындан тышкары психологдор иштешүүдө, учурда борбордун жактоочусу ал менен сүйлөшүүлөрдү жүргүзүүдө. Келин күйөөсү тарабынан сабалган. Көп жылдан бери эле күйөөсү менен жашап, 3төн ашык баланы төрөп берген аялдын ушунчалык кор болгонун кантип жашырам. Балдары чоңоюп, эс-акылына кирип калыптыр. Күйөөсү аны жыгач жана башка колго тийген буюм менен аёосуз сабаган. Денесинде соо жери аз, айрым майда сөөктөрү сынып да кеткен. Соттук-медициналык экспертизанын жыйынтыгын күтүп жатабыз.

Келиндин жакындары милицияга кайрылганы менен ал дагы деле ээн-эркин жүрөт. Тиешелүү тараптын көңүлүн бурдуруу үчүн адам сөзсүз өлүшү керекпи. Эмнеге өз учурунда көңүл бурулбайт. Көпчүлүгү үй-бүлөдө көйгөй боло берет деп көңүл бурбайт, азыркы сүрөттөргө да ишенбегендер болуп жатат, бирок мындайлар көп", - деди Асилбекова.

Ошондой эле ал сабалган келин 30га чыга элек экенин белгиледи. Ал жакындарынын коштоосунда мындан 10 күндөй мурун "Ак жүрөк" кризистик борборуна келген.

"Бул аялдын сабалышы мен көргөн тагдырлардын бир учкуну гана. Биздин борборго үй-бүлөлүк зордук-зомбулуктан улам келип түшкөндөр өтө көп. Мен бул көйгөйдүн токтошун абдан каалайм, кандай болгон күндө да күйөөсү аялына кол көтөрбөш керек", - деп кошумчалады Асилбекова.

"Ак жүрөк" кризистик борбору 2002-жылы негизделген.

жаңыланды 23:53 06-06-2018
кошулду 22:48 06-06-2018

Күйөөсү денесинен тамтык калтырбай сабаган келин

Автор: Кызжибек Раимова

Жазылуу

РУБРИКАДАГЫ СОҢКУ КАБАРЛАР

19:37 2024-04-19 | Супер-Инфо

Жолдошбек Жанжигит уулу, актёр: «Жубайым тыйып турбаса элирип кетем» 54 0

19:36 2024-04-19 | Коом жана турмуш

Ысык-Көлдө 350 орундуу медициналык мекеменин имаратынын курулушу башталды 55 0

19:11 2024-04-19 | Спорт

Балбан Бекзат Алмаз уулу Олимпиадага жолдомо утту 259 0

18:52 2024-04-19 | Бизнес-Инфо

Биринчи жолу Кыргызстанда: MBANK ID бирдиктүү идентификациялоо 146 0

18:50 2024-04-19 | СОТТУК ИШТЕР

Мурдагы депутат Камчыбек Жолдошбаев эч жакка чыкпоо тил каты менен камактан бошотулду 301 0

18:40 2024-04-19 | Кылмыштар, кырсыктар

Издөөдө жүргөн кыргыз жараны Москвадан кармалды 442 0

Архив

Комментарийлер (7)

Okunboim.

2018-06-06 16:58:57

Ииий байкуш (((( ушунчалыкта сабайбы (( кандай мыкаачы адам ал озуну ушунтип сабап турмого тыгып жок кылыш керек мындай акмакты
Боорум ооруду ( колун кичинекей кесилсе канча ооруйт байкуш денесинин соо жери калбаптырго кантип жатып атат кантип олтуруп атат экен денеси зыркырап ((((( Оо Кудайым ушундай мыкаачы адамга озун жаза бере кор(((

engel

2018-06-06 17:09:45

Колун сынгыр эркек болбой олуп кал! Бул да Кудайдын суйгон пендеси, жооп берээрсин. Бундан да откон кордук менен.

Pchelka85

2018-06-06 17:14:24

Негизи аял кишиге кол которгон эркек..ХХХХХХХХ Анчалык кыйын экен, эркектерге ошентип кол которуп корбойбу.. ошол колун ХХХХХ Алсыз аял кишини сабап, самоутверждается. 3 баланы тороп ьерген Кудай алдындагы ак никелуу келинчегине кантип колу барды ушунчалык кылганда..ХХХХХХХ

barakcha

2018-06-06 20:59:44

Адам эмес экен...Ылайым колун иштебей аялына кор болуп кал!

Snejana

2018-06-07 00:35:21

Тема шумдук го. Бир нерсе десен, эрте менен эскертуу каты келет. Андан коро бир колум менен оозумду, бир колум менен .....ду жабайынчы.

Mr.enriiko

2018-06-07 05:54:35

Тема кызыкго туура жазгылачы!!

patiydin

2018-06-21 13:22:50

Аял ушундай абалга келишине озунууууун тииииииллллл деген Нерсеси жеткирет.

Комментарий калтыруу үчүн өз ысымыңыз менен кириңиз же каттоодон өтүңүз.