Мурдагы президент Алмазбек Атамбаевдин кызы Алия Шагиева кош бойлуу экенин өзүнүн социалдык тармактагы баракчасына жазып чыкты.
Шагиева өзүнүн жана үй-бүлөсүнүн сүрөттөрүн жарыялаган. Сүрөттөрдүн алдына колдонуучулар анын кош бойлуу экенин айтышып, анын аман-эсен көз жарып алуусун каалаган билдирүүлөрдү калтырышкан. Ал эми Шагиева өз кезегинде "аябай байкалып жатабы? Жакшы эле жашырып жаттым эле, бирок билинип калды окшойт" деген билдирүүсүн жазган.
Айта кетсек, Шагиева Таир аттуу тун уулун 2017-жылдын 20-мартында жарык дүйнөгө алып келген.