Депутат Баатырбеков: "Мен желекке "Манас" эн тамгасын түшүрүш керек деп сунуштаган эмесмин. Муну адистер иштеп чыгышы керек"

Алмазбек Баатырбеков

"Манас" эн тамгасы

"Мен желекке "Манас" эн тамгасын коюуну сунуштаган жокмун. Журналисттер көбүртүп жазып салышыптыр", - деп бүгүн, 22-июнда SUPER.KG порталына Жогорку Кеңештин "Кыргызстан" фракциясынын лидери Алмазбек Баатырбеков айтты.

Анын айтымында, желекке байланыштуу сунушту буга чейинки парламент жыйынында айтып чыккан.

"Буга чейин премьер-министр Жогорку Кеңештин жыйынына келгенде желектин бир жерине өзгөртүү киргизели, болбосо айрым иш-чараларда тескерисинен илинип калып жатат деп айткам. Себеби өлкөдөгү айрым иш-чараларда, спортчуларыбыз чет өлкөдө мелдештерге катышканда биздин желек тескери илинип калган учурлар болуп жатат. Желегибиздеги түндүктү биз түшүнөбүз. Бирок башкалар айырмалай албай калууда.

Албетте, бул демилгени атайын адистер иштеп чыгышы зарыл. Мага журналисттер байланышып: "Кандай өзгөртүү сунуштап жатасыз? Эмнени кошуу керек", - деп сурап жатышат. Айрымдары жообумду көбүртүп жазып салыптыр. Менде так сунуш жок. Бирок кошумча элемент кошсок туура болот деген эле ой. Сөзсүз "Манас" эн тамгасын кошолу деп сунуштаган эмесмин. Журналисттер сурай бергенинен ушинтип мисал келтиргем. Бул маселе талкууга алынышы керек. Мага эми жарандардан кайрылуулар келе баштады. Аларды чогултуп, сунуштап көрөм", - деди Баатырбеков.

15:22 22-06-2018

Автор: Бектур Токтоноев

Жазылуу

РУБРИКАДАГЫ СОҢКУ КАБАРЛАР

19:35 2024-04-24 | Кылмыштар, кырсыктар

Кадамжайда аткезчилик жол менен алынып келе жаткан жаңгак аныкталды 87 0

18:56 2024-04-24 | Саясат

Садыр Жапаров Азербайжандын президенти менен болгон сүйлөшүүлөр боюнча билдирүү жасады 288 0

18:17 2024-04-24 | Коом жана турмуш

Касымалы Баялинов атындагы китепканага лифт орнотулду (фото) 229 0

17:40 2024-04-24 | Саясат

Кыргызстан менен Азербайжан кызматташуу боюнча документтерге кол койду 277 0

17:35 2024-04-24 | Кылмыштар, кырсыктар

Милиция Чолпон-Атада каза болгон 2 индиялык жаран боюнча маалымат берди 919 0

17:22 2024-04-24 | Саясат

Садыр Жапаров менен Ильхам Алиев тар чөйрөдө сүйлөшүү жүргүзүштү 287 0

Архив

Комментарийлер (3)

izdeim_seni

2018-06-22 15:41:36

Желекти коюп өлкөнү өзгөртүүгө жакшы долбоор сунуштасаң болмок.

Tokmokchu-1

2018-06-22 16:39:57

Ушул пайдасыз депутаттар тойгузду да...

Тигине Москвада 20 саат уктабаган бир баатырдын айынан ондогон-жуздогон мекендештерибиз жабыр тартууда, машинесин ГАИшниктер алып коюп... Ошону чечпейби?!! Мигранттардын койгойун чечпейби?!! Каяктагы бекерчи создорду суйлогучо?!!....

-2

urmat94

2018-06-22 19:38:18

Tokmokchu-1,ким айтты сага мекендештерибиз жабыр тартып жатат деп менин досторум Москвада такси кылып эле журушот азыр деле баары жакшы эле деп атышат. Анан бироонун башына жаман иш тушкондо какшыктап жазбай эле койсон баатыр деп ХХХХХХХХ

Комментарий калтыруу үчүн өз ысымыңыз менен кириңиз же каттоодон өтүңүз.